VOV4.K’Ho- Thủ tướng Cíñ phủ ồng Phạm Minh Chính lam bồ Mpồl Cau ala măt kwang bàng kâp dờng lơgar Việt Nam lòt Pơrjum Kwang bàng kâp dờng Lơh broă bal Tiah dềt Mekong rề ơnàng dơ̆ 08, bơh ngai 05 tus ngai 08/11/2024 tàm lơgar Lo.

VOV4.K’Ho- Drim ngai 04/11, tàm hìu duh broă Ƀộ Ling klàng dê, Thứ trưởng Ƀộ Ling klàng, Thượng tướng ồng Phạm Hoài Nam wă mpồl kwang bàng, ling geh griăt Ƀộ Ling klàng, Rơcăng gàr lài mờ Kes priă Ring lơngai Sasakawa lơgar Nhờk dê.

VOV4.K’Ho- Mho ngai 04/11, Mpồl Lơh kơnòl broă sùm Tỉñ ủy càr Dăk Lăk bơyai lơh Pơrjum pah dơ̆ ờs mờng dơ̆ 97 ai jơnau đơs bè jơnau rơcăng cih Jơnau yal cồng nha đơng lam lơh jăt kơnòl broă nhai 10 mờ gùng dà, kơnòl broă tờm nhai 11 nam 2024.

VOV4.K'Ho- Ngai òr (04/11), Pơrjum dơ̆ 8, Quốk hội khoă XV cri bơyai tàm hìu pơrjum dờng, sền wơl cồng nha lơh jăt broă rơndăp lơh tơnguh bơtàu lơh sa mpồl bơtiàn nam 2024, kờp dŭ broă rơndăp lơh bơtàu tơnguh lơh sa mpồl bơtiàn nam 2025.

VOV4.K’Ho- Tơngai pa do, càr Quảng Nam sền gròi dong kờl bơto broă lơh, bơsong broă lơh, sơlơ tơnguh tai cau lơh broă jơi bơtiàn dồ ết nă cau mờ tiah kơh bơnơm tus bal drà lơh broă lơgar ndai lơh geh cồng uă ngan. Bơh hơ̆, dong cau lơh broă tơnguh tai priă lơh geh, kơ̆ kơl jăp rài kis.

VOV4.K’Ho- Anih duh broă Lơh sa Quôk hội pa lơh broă mờ Anih duh broă làng bol bàr pe càr tàm tiah tàm gùl lơgar bè broă lam lơh rơndăp broă lơh bơcri priă lơh gùng rơndeh ồs lòt mhar ngan tàm gùng tiah đah Tô- tiah đah Jum Dà lơgar.

VOV4.K’Ho- Dờp jơnau jà bơh Củ tịc Quôk hội ồng Trần Thanh Mẫn dê, Củ tịc Quôk hội Gơnoar ătbồ Làng bol, Củ tịc Quôk hội lơgar Cuba ồng Esteban Lazo Hernandez geh dơ̆ lòt còp mờ lơh broă tàm lơgar Việt Nam bơh ngai 02- 03/11/2024.

VOV4.K’Ho- Kwang bàng Ƀộ Cíñ trị, Kwang atbồ Mpồl rơndăp broă Dà lơgar ồng Lê Minh Hưng pa geh dơ̆ lơh broă mờ Mpồl Lơh kơnòl broă sùm Tỉñ ủy càr Khánh Hòa.

VOV4.K'Ho- Nàng lơh geh anih cribơyai nàng ală mpồl lơh sa kă bro mờ cau bơcri priă geh tam pà bal broă lơh mờng chài, lơh geh bơta pơgồp bal nền nòn mờ kơ̆ kơl jăp nàng lơh pràn broă lơh sa suơn sre Tây Nguyên bơtàu tơnguh jăt gùng dà broă lơh pa, pa do, Ƀộ Broă lơh sa suơn sre mờ Bơtàu tơnguh Ƀòn lơgar neh bơyai lơh Pơrjum hòi jà bơcri priă tàm gah broă lơh sa suơn sre, ƀòn lơgar tiah Tây Nguyên. Pơrjum geh bơyai lơh jăt broă lơh tơn mờ pờ tơlik tàm internet bơh anih pơrjum tờm Ƀộ Broă lơh sa mờ Bơtàu tơnguh Ƀòn lơgar tus anih pờ tàm ƀòn dờng Pleiku, càr Gia Lai.

VOV4.K’Ho- Mblàng yal jơnau kơnhoàl ù tiah Vùng Vịñ yal uă ngan bè dơ̆ lòt còp bơh Thủ tướng Cíñ phủ ồng Phạm Minh Chính dê tus Ală lơgar Bơtau dềt Arab tơrgùm dùl, hòi lơyah là UAE, Saudi Arabia mờ Qatar.