Mùl màl, geh 67 nă kơnòm bơsram kâp mầm non, 155 nă kơnòm bơsram kâp 1, 101 kơnòm bơsram kâp 2 mờ 25 nă kơnòm bơsram kâp pe lơh sră dan ntrờn rê bơsram tàm ală hìu bơsram tàm sơnah ƀòn Quy Nhơn mờ ală sơnah ƀòn rềp bal. Ală sră nggal ndrờm geh dờp bơh ală mpồl ngan ngồn mờ neh geh mpồl duh broă mờng chài pơrjum sền sơ wì, ring bal nàng kờñ lơh gơlik bơta ƀuơn tam gơl hìu bơsram. Nàng lơh jat jơnau kờñ, Sờh Bơto bơtê mờ Bơsram càr Gia Lai neh pơgồp bal mờ Anih duh broă Làng bol ală sơnah ƀòn kờp sền wơl jơh ală bơta pràn hìu bơsram, ơdŭ bơsram dê, geh phan bơna, khà kơnòm bơsram mờ mpồl cau pơgru. Ồng Phạm Văn Nam, Kwang lam bồ Sờh Bơto bơtê mờ Bơsram càr Gia Lai pà git, broă dờp sră nggal geh lơh sơrbac mhar, dong kơnòm bơsram gàr niam broă bơsram lài mờ nam bơsram pa.