Tơnơ̆ mờ tŭ iăt Anih duh broă tĕ khà ƀòn dờng Cần Thơ yal bè broă rơcang ai broă bơyai lơh tĕ khà mờ ală kwang bàng tàm Mpồl lơh broă geh jơnau đơs pơgồp bal, jơnau đơs pơn dŭt dơ̆ lơh broă.

Củ tịc Quốk hội ồng Trần Thanh Mẫn đơs niam, Ƀòn dờng Cần Thơ neh rơcang lài nền nòn broă rơcang ai lơh tĕ khà, sền do là kơnòl tờm pal lơh gơs, bal mờ hơ̆ là broă drơng gàr bơtàu tơnguh lơh sa mpồl bơtiàn tàm quý I, rơcang Satềp ai làng bol in jăt mờ nùs nhơm Jơnau sồr sồ 15 bơh Mpồl đơng lam Đảng Dà lơgar mờ lơh jăt Jơnau lơh nền tàm Pơrjum dờng cau ala măt gùt lơgar dơ̆ 14 Đảng dê.