Đơs tàm Pơrjum, Thủ tướng ồng Phạm Minh Chính đơs loh: nam 2025 geh kwơ màng ngan, là nam tơnguh mhar, lơh pràn nàng lơh gơs, lơh geh cồng nha Broă rơndăp lơh bơtàu tơnguh lơh sa mpồl bơtiàn 5 nam bơh nam 2021 tus 2025; gùt lơgar gam lơh ngan uă ngan, lơh ngan lơh gơs ală khà broă bơtàu tơnguh lơh sa mpồl bơtiàn nam 2025, tàm hơ̆ uă ngan là khà gơguh lơh sa gùt nam geh 8% rơlao hờ đang; mờ tơrgùm lơh gơs jăk ngan ală kơnòl broă geh jào nàng nàng chờ gờm 80 nam crơng gơs Dà lơgar; chờ gờm Pơrjum dờng Đảng ƀộ ală kấp, wèt tus Pơrjum dờng Đảng gùt lơgar dơ̆ XIV.

Thủ tướng đơs là, tơngai bơh tŭ do tus ngai 31 nhai 12 nam 2025 mìng gam 05 nhai tai, khà broă lơh gam uă ngan, tàm tŭ hơ̆ jơnau kờñ geh ai là phan bơna pal lơh lài, pờ gùng, lơh bơnàng jă, lơh geh bơta lài ngan ai ală gah lơh broă, ală tiah in, ai geh bơta pràn pa dà lơgar in, pờ geh bơta niam bơtàu tơnguh pa, tơnguh broă tàm pơrlòng phan geh lơh tàm lơgar mờ ală lơgar.