VOV4.K’Ho- Tàm nùs nhơm jơh gùt lơgar rcang wă rò Sa tềp bơhiàn Dà lơgar Ất Tỵ, drim ngai 14/01, Củ tịc lơgar ồng Lương Cường mờ mpồl lơh broă Dà lơgar neh tus còp, gờm chờ Sa tềp tiah 5 Ling dà lềng mờ ală mpồl ling phàu crong lơh pôs đồng tàm ù tiah ƀòn dờng Phú Quốc càr Kiên Giang.

VOV4.K’Ho- Ngai 14/01, Phó Củ tịc Quôk hội ồng Trần Quang Phương bal mờ Mpồl lơh broă Dà lơgar neh tus còp, gờm chờ Sa tềp bơhiàn Dà lơgar Ất Tỵ 2025 gơnoar atbồ, ling klàng mờ làng bol càr Kon Tum.

VOV4.K’Ho- Nam 2024, làng bol càr Dăk Lăk geh tơnhàu phan tam tăc geh giă tai uă bơta phan lơh geh bơh sươn sre den yàng yal lài pràn blơi bơh làng bol dê tàm dơ̆ Sa tềp bơhiàn dà lơgar dê nam Ất Tỵ 2025 rơ̆p gơguh. Nàng drơng jơnau kờñ blơi prăp phan mờ ngui sa bơh làng bol dê tàm dơ̆ Sa tềp bơhiàn dà lơgar dê, ală anih kă bro tàm càr Dăk Lăk neh rơcăng bơnah phan rơ̆ ru ngan, gàr tơl jơnau kờñ bơh làng bol dê.

VOV4.K’Ho- Ngai 13/01, Tổng Ƀí thư ồng Tô Lâm lam bồ mpồl lơh broă bơh Dà lơgar dê rê lơh broă mờ kwang đơng lam bồ càr Bắc Ninh mờ nting bơr chờ gờm Sa tềp tàm tiah do.

VOV4.K'Ho- Mho òr (13/01), Thủ tướng ồng Phạm Minh Chính neh wă ồng Alexey Likhachev, Kwang lam bồ dờng Tập đoàn Năng lượng Nguyên tử lơgar Nga (Rosatom) gam còp, lơh broă tàm lơgar Việt Nam.

VOV4.K'Ho- Drim òr (13/01), tàm Hà Nội, Ƀộ Cíñ trị, Mpồl Đơng lam Đảng Dà lơgar bơyai lơh pơrjum gùt lơgar bè broă lơh pràn bơtàu tơnguh măi mok pa, tam gơl bơceh lơh mờ tam gơl sồ dà lơgar.

VOV4.K’Ho- Tàm tiah dà lềng đah Jum Mat tơngai lik Dà lơgar là tiah rềp nhàr bal mờ 3 lơgar Campuchia, Thái Lan, Malaysia. Do là tiah dà lềng kwơ màng ngan, cèng bơta kwơ màng bè sền gàr Dà lơgar, lơngăp lơngai mờ bơtàu tơnguh lơh sa mpồl bơtiàn... Tiah dà lềng dờng màng do là tiah kwang bàng, cau ling Tiah 5 Ling dà lềng dờp lơh kơnòl broă atbồ, sền gàr mờ sền gròi rài kis ai làng bol in. Pa do, Tiah 5 Ling dà lềng mờ ala mat bàr pe càr, ƀòn dờng tiah đah Jum Dà lơgar geh lòt gùng dà lềng gùt dar 5 bồt dờng tàm tiah dà lềng đah Jum Mat tơngai lik, geh: bồt Hòn Đốc, bồt Thổ Chu, ƀồt Chuối, bồt Khoai mờ bồt Nam Du nàng gờm chờ sa tềp mờ pơndờm pơnđiang ală kwang bàng, cau ling mờ làng bol.

VOV4.K’Ho- Drim òr (13/01), tàm Hìu lơh broă Củ tịc, Củ tịc lơgar ồng Lương Cường wă Cau Lam bồ Cơl dŭ lơh broă Kwang atbồ lơgar Mông Cổ ồng Gombojav Zandanshatar gam geh dơ̆ còp mờ lơh broă tàm lơgar Việt Nam.

VOV4.K’Ho- Drim do 13/01, tàm Hìu pơrjum Diên Hồng- Hìu Quôk hội dê, Mpồl Đơng lam Đảng Dà lơgar bơyai lơh Pơrjum gùt lơgar bè tam gơl pràn bơtàu tơngguh jak chài, măy mŏk, tam gơl pa bơceh lơh mờ tam gơl sồ dà lơgar.

VOV4.K’Ho- Ngai òr (12/01), tàm hìu lơh broă Đảng Dà lơgar, Tổng Ƀí thư ồng Tô Lâm neh wă Mpồl ala mat kwang bàng kấp dờng Ƀộ Kwang àng lơgar Lào, Đại tướng ồng Vilay Lakhamphong, Phó Thủ tướng Cíñ phủ, Bộ trưởng Ƀộ Kwang àng lơgar Lào lam bồ mpồl gam geh dơ̆ còp mờ lơh broă tàm lơgar Việt Nam.