Củ tịc Quôk hội đơs loh, lơh broă bal Nghị viện ờ mìng là broă tam pà mờng chài rơ̆ ru  adat boh lam halà bơh ală Jơnau lơh nền tàm pơrjum lơm. Hơ̆ gam là jơnau hơ lơh jơnau đơs gơ gơs broă lơh, lơh bồ tơngoh kơlôi sơnơng gơ gơs bơta geh ngan mờ lơh bơta kơ̆p kờñ gơ gơs tŭ tơngai niam ngan ngồn ai gĭt nđờ tơmàn nă làng bol tàm  làm jơh gùt dunia in.

Den tàng, ală cau ala mat ai bồ tơngoh kơlôi sơnơng, bơta kơ̆p kờñ bơh làng bol dê, pal gàr niam là, ală broă lơh, adat boh lam geh lơh jat tàm ală bơta kwơ tờm ngan: ring lơngai, adat boh lam mờ ring bal. Nàng lơh geh ală jơnau kờñ do, Củ tịc Quôk hội đơs 4 jơnau sồr đơs pơlam gùng dà ai lơh broă bal Nghị viện tàm tơngai tus in. Ồng hòi jà jơh ală Nghị viện tàm gùt plai ù pal jòi bơta ndrờm bal, sơr lèt gan bơta krơi is, tàm sơm bat tê bal bơt bơtàu dùl rài tơnơ̆ do tiah tơl nă cau ndrờm geh kis tàm ring lơngai, adat boh lam mờ pas gơs.