VOV4.K’Ho- Sa tềp tus, sơnam pa rê, nùs nhơm chờ Đảng, chờ Sơnam pa mờ bơta chờ hờp jơi bơtiàn dê gam bềng lìu tàm làm gùt ală ƀòn lơgar bơh kơnhoàl Cư Mgar, càr Dăk Lăk dê. Ală gơl gùng bồng bi Dà lơgar sơlơ sơng klŏ tai pang rùp ƀòn lơgar pa gơklŏ gơcrà tai.

VOV4.K'Ho- Ngai òr (03/02), ngai lơh broă sơnrờp ngan tàm nam pa Ất Tỵ, Phó Thủ tướng Duh broă sùm Cíñ phủ ồng Nguyễn Hoà Bình tus còp, lơh broă mờ kwang bàng, cau ling Kụk Kảñ sát rơcang tam dră mờ cau tìs bè tiah ơm kis (C05).

VOV4.K'Ho- Mho òr (03/02), Thàñ ủy ƀòn dờng Hà Nội neh bơyai lơh Dơ̆ jào Gai lòng 65 sơnam đảng pà ồng Trần Đức Lương, Kwang geh jơng tàm Ƀộ Cíñ trị, Củ tịc lơgar Kộng hoà Xã hội Củ nghĩa Việt Nam lài do.

VOV4.K'Ho- Tổng Ƀí thư pà git, bơh tàm ngai lơh broă sơnrờp ngan tàm nam pa Ất Tỵ, Cơl dŭ lơh broă Đảng Dà lơgar bơyai lơh wơl, mờ gơnoar broă, kơnòl broă pa.

VOV4.K’Ho- Drim òr (03/02), ngai sơnrờp lòt lơh broă wơl tơnơ̆ dơ̆ ơm rlô Sa tềp bơhiàn Jơi bơtiàn dê nam Ất Tỵ, Thủ tướng ồng Phạm Minh Chính neh tus còp, gờm chờ nam pa, jàu kơnòl broă ai Anih priă jền in.

VOV4.K’Ho- Tơnkah 95 nam Ngai tơnggơs Đảng Kộng sản Việt Nam (3/2/1930 -3/2/2025), tàm Hà Nội, Anih bơsram kơlôi sơnơng Cíñ trị Dà lơgar Hồ Chí Minh pơgồp bal mờ Mpồl Mblàng yal bơto bơtê Dà lơgar bơyai lơh Pơrjum bơyai jak chài Dà lơgar: “Đảng Kộng sản Việt Nam - 95 nam kơ̆ dơn jơnau kờñ lơngăp lơngai is jơi bơtiàn mờ rài ndrờm bal mpồl bơtiàn, bơt bơtàu Dà lơgar bơtau tơngguh, gơboh gơbài”.

VOV4.K’Ho- Tàm nùs nhơm gờm chờ Đảng, gờm chờ Nam pa bơhiàn Dà lơgar Jơi bơtiàn dê nam Ất Tỵ 2025 mờ tơngkah kir sơnrai 95 nam Ngai tơngơs Đảng Kộng Sản Việt Nam (3/2/1930-3/2-2025), Tổng Ƀí thư ồng Tô Lâm neh tus bal mờ lam lơh dơ̆ Sa tềp tam chi sùm sùm kah ưn ngài Wa Hồ tàm Ninh Bình.

VOV4.K’Ho- Tàm dơ̆ ơm rlô Sa tềp bơhiàn jơi bơtiàn dê pa do, ală càr Tây Nguyên neh gơhòi gơ jà gal ngan năc lòt nhơl tàm dơlam mờ bơdìh lơgar, lơh geh priă bơh kă bro jơnhoa rlau uă pơndrờm bal dồ tŭ mờ nam lài.

VOV4.K’Ho- Mho ngai 02/02 (ngai 05 Sa tềp), tàm càr Lạng Sơn, Thủ tướng ồng Phạm Minh Chính đơng lam dơ̆ pơrjum mờ ală ƀộ, gah, ƀòn lơgar bè broă lơh mhar tŭ tơngai lơh rơndăp broă lơh gùng rơndeh lòt mhar Đồng Đăng (Lạng Sơn)- Trà Lĩnh (Cao Bằng) mờ Mpồng nhàr lơgar Hữu Nghị- Chi Lăng.

VOV4.K'Ho- Đăk Ngọk là sàh sơnrờp ngan tàm kơnhoàl Đăk Hà, càr Kon Tum dê bơyai lơh pơrjum cau ala măt Đảng ƀộ sàh tơngai lơh broă bơh nam 2025 tus 2030. Tơngai lơh broă pa do, Đảng ƀộ, gơnoar atbồ bal mờ làng bol tàm sàh neh ai tơngŏ loh làng nùs nhơm tam gơl pa, bơceh lơh, jơnau kơ̆p kờñ bơ̆t bơtàu Đăk Ngọk gơs tiah ƀòn pas gơs. Tàm ală ngai bồ nam pa, sàh Đăk Ngọk neh lơh mơ broă lơh jăt jơnau lơh nền tàm pơrjum dờng Đảng, ai geh bơta pràn pa nàng ƀòn lơgar Đăk Ngọk lơh pràn bơtàu tơnguh kơ̆ kơl jăp.