Đơs tờm, tơngai bơh tŭ do tus Pơrjum dờng Đảng gùt lơgar dơ̆ 14 mìng gam rơlao 5 nhai tai, jăt Củ tịc Quốk hội đơs, broă tus do bơh Quốk hội dê rơ̆p pal tơrgùm rơcang ai Pơrjum dơ̆ 10, pơrjum lồi dŭt bơh Quốk hội khoă 15 dê, rơcang tĕ khà Quốk hội khoă 16 mờ Mpồl duh broă làng bol ală kấp tơngai lơh broă bơh nam 2026 tus 2031.

Củ tịc Quốk hội sồr, Đảng ủy Quốk hội mhar lơh gơs mpồl Sră nggal, gàr tơl tŭ mpồl Ƀộ Cíñ trị lơh broă mờ Đảng ƀộ Quốk hội nàng ring bal pal là Mpồl sră nggal lơh gơs. Pơrjum neh lơh jăt broă sồr pồ cau ala măt mùl màl tus Pơrjum dờng cau ala măt Đảng ƀộ Quốk hội dơ̆ I, tơngai lơh broă bơh nam 2025 tus 2030; ala măt cau rơcang lài tus Pơrjum dờng cau ala măt Đảng ƀộ Quốk hội dơ̆ I, tơngai lơh broă bơh nam 2025 tus 2030; cau ala măt bơh Mpồl ala măt Đảng ƀộ Quốk hội tus Pơrjum dờng cau ala măt gùt lơgar dơ̆ XIV Đảng dê.