Tàm dơ̆ hòi điện thoại tàm bơyai, bàr nă kwang đơng lam neh yal ai gơ̆p in broă tơl Đảng, tơl lơgar dê; tàm lùp bè broă tàm kơnhoàl ù tiah do mờ ală lơgar, gĭt gơ̆p đah bàr Đảng, bàr lơgar mờ bàr pe tơngume 2 đah sền gròi bal; kờp sền nền wơl mờ đơs cồng nha lơh broă bal tơngai lài mờ ring bal gùng dà broă rơndăp lơh tờm tàm tơngai tus.

Bàr nă kwang đơng lam dùl nùs ring bal pơn jăt tai tơngguh gĭt gơ̆p gah Đảng, gah Dà lơgar, lơh kơ̆ kơl jăp bơta pin dờn cíñ trị, sơlơ tàm pơgơl ală dơ̆ lòt còp kâp dờng mờ ală kâp ƀộ, gah ƀòn lơgar; lơh jăt niam ală mpồl lơh broă bal gam geh tŭ do bè ală jơnau cribơyai ring bal kâp dờng ndai; pơn jăt tai tam pà yal tơnggĭt jơnau di tŭ, tàm lùp bal mờ gơ̆p bè ală broă ală lơgar, kơnhoàl ù tiah do, ală broă gơrềng tus gĭt gơ̆p 2 lơgar, pơgồp bơnah ai gĭt gơ̆p 2 Đảng, 2 lơgar ngai sơlơ bơtàu tơngguh geh kwơ ngan ngồn tàm tŭ tơngai pa, drơng bơta kwơ geh kwơ ngan bơh làng bol bàr lơgar dê.