Mŭt tàm tơngai lơh broă bơh nam 2025- 2030, Đảng ƀộ Anih duh broă Làng bol càr Dăk Lăk geh jơnau kờñ gơguh lơh sa jơh gùt càr kờp bal bơh 11,5% rlau hơđăng dùl nam; priă lơh geh kờp bal dùl nă cau geh 160 tơlak đong dùl nam; kờp jơh priă tăc phan mờ lơgar ndai geh rlau 13 tơmàn dolar Mỹ; gơhòi gơ jà 43 tơlak dơ̆ năc lòt nhơl mờ priă lơh geh bơh kă bro pơgăp 97 rbô 150 tơmàn đong; gơmù khà hìu rƀah kờp bal 2% dùl nam, is tiah làng bol jơi bơtiàn dồ êt nă cau gơmù 3% dùl nam. Broă tờm bơtàu tơngguh là “puan gah kwơmàng” hơ̆ là gah lơh sa mờ măy mŏk, broă lơh sa sươn sre măy mŏk pa, lòt nhơl mờ lơh sa dà lềng; gơ jăt bal mờ tam gơl pa pràn kơldang tiah bơcri priă, chồl tơngguh jak chài măy mok, tam gơl pa bơceh lơh, tam gơl sồ mờ bơtàu tơngguh mpồl cau lơh broă geh broă lơh jak uă.

Đơs sồr lơh Pơrjum dờng, Ƀí thư Tỉñ ủy càr Dăk Lăk ồng Nguyễn Đình Trung đơs sùm, Pơrjum dờng dơ̆ do ờ mìng sền wơl jơh cồng nha tơngai lơh broă tơngai lơh broă lài mờ gam lơh bơnàng jă ai dùl tŭ tơngai bơtàu tơngguh pa in, đơs nền gơnoar broă tề lam bơh Đảng ƀộ Anih duh broă Làng bol càr dê tàm gùng lòt lơh jăt ngan ngồn jơnau kơ̆p kờñ ngan pas pràn càr Dăk Lăk dê.