Di tơnkah 80 nam Ngai Kăc màng nhai Phàm geh cồng nha mờ Sơn tờm Dà lơgar ngai 02 nhai 9; 80 nam Ngai bơhiàn mpồl Kwang àng làng bol Việt Nam mờ 20 nam Ngai chờ Gùt làng bol sền gàr lơngăp lơngai Dà lơgar, drim òr (14/08) tàm sàh Tân Trào, càr Tuyên Quang bơyai lơh Ngai chờ Gùt làng bol sền gàr lơngăp lơngai Dà lơgar nam 2025 mờ sơn đờm ai ngui Rùp “Wa Hồ tàm Tân Trào”.

Đơs tàm ngai chờ, Tổng Ƀí thư ồng Tô Lâm đơs loh, Ngai chờ là dơ̆ nàng yal wơl rài lài do, kah wơl, ưn ngài mờ ai tơngŏ gơnoar kwơ màng, broă pơgồp bal pràn kơl dang bơh làng bol dê tàm broă sền gàr lơngăp lơngai dà lơgar, gàr niam lơngăp lơngai mpồl bơtiàn, pơn jăt tai tơnguh pràn kơl dang bơhiàn kwơ màng hơ̆ tàm rài pa, rài pas gơs pràn kơl dang, tơrgùm bal mờ bơtàu tơnguh. Nàng pơn jăt tai tơnguh bơta pràn bơh làng bol dê, gơnoar tờm bơh mpồl Kwang àng làng bol tàm broă sền gàr lơngăp lơngai, Tổng Ƀí thư sồr càr Tuyên Quang, sàh Tân Trào pơn jăt tai lơh jăt, lơh jăt nền nòn ală gùng dà broă lơh bơh Đảng, Dà lơgar dê bè bơ̆t bơtàu mpồl gùt làng bol sền gàr lơngăp lơngai Dà lơgar; wă nền nùs nhơm ai làng bol lơh tờm, làng bol là cau tờm mờ là cau tờm bơh broă sền gàr lơngăp lơngai Dà lơgar dê, kăc màng là broă bơh làng bol, geh làng bol, tài làng bol.