VOV4.K'Ho- Pơn jăt tai broă pơrjum dơ̆ 42, mho òr (10/02), Anih duh broă Lơh kơnòl broă sùm Quốk hội pơgồp jơnau đơs tàm gùng dà bơcri priă Rơndăp broă bơcri priă lơh gùng rơndeh ồs Lào Cai – Hà Nội – Hải Phòng.

VOV4.K'Ho- Thủ tướng ồng Phạm Minh Chính đơs sùm, broă rơndăp tăp sèng ală anih lơh broă lùp sền pal ơn bơta kwơ dà lơgar dê, làng bol dê hơđang rlau jơh.

VOV4.K’Ho- Tus tŭ do, càr Kon Tum sền bal neh lơh sir broă rơndăp tăp sèng, tơrmù dipal rơndăp mpồl lơh broă mờ rơ̆p gờñ lơh nền tơnggơs anih lơh broă, mpồl lơh broă tơnơ̆ tŭ tơmŭt bal, tơnggơs pa nàng lòt mŭt lơh broă lơh jăt di tơngai sồr.

VOV4.K’Ho- Ngai 10/02, tàm càr Hải Dương, di dơ̆ bồ kàl prang sơnam pa, Tổng Ƀí thư ồng Tô Lâm, Ƀí thư Anih duh broă đơng lam Đảng Dà lơgar rê còp mờ lơh broă mờ Mpồl ling dờng di mơ phàu ồs 490, Ling Phàu ồs, Ƀộ Ling klàng.

VOV4.K’Ho- Drim ngai 10/02, Duh broă sùm Cíñ phủ geh dơ̆ tam tìp mpồl lơh sa kă bro bè kơnòl broă, broă lơh nàng mpồl lơh sa kă bro is làng bol dê tơnguh pràn, tam gơl pràn, pơgồp bơnah bơtàu tơngguh dà lơgar mhar, kơ̆ kơl jăp tàm rài pa.

VOV4.K’Ho- “Gah Hòi jà làng bol kờñ pal tơrgùm, jơh nùs lam lơh ală kơnòl broă bơyai lơh nàng drơng broă Pơrjum dờng dơ̆ XIV Đảng dê, lam lơh ală dơ̆ pơrjum cíñ trị jrô ơnàng làm uă, lài, tàm mờ tơnơ̆ Pơrjum dờng, lơh gơlik geh nùs nhơm rơcăng chờ hờp chờ hờn, tam klăc, pràn bơceh lơh tàm làng bol. Bal mờ hơ̆, pơn jăt tai sơrbac mhar, lơh jăt niam jơnau sồr tơmŭt bal Mpồl Hòi jà làng bol Dà lơgar mờ Mpồl Mblàng yal bơto bơtê Dà lơgar, sồr gùng dà broă lơh rơndăp tăp sèng tơrmù dipal jak chài, lơh di tơngai”. Do là jơnau đơs sồr lơh bơh Kwang bàng tàm Ƀộ Cíñ trị, Duh broă sùm Mpồl Đơng lam Đảng Dà lơgar, Cau kong kơnòl Anih duh broă Sền swì Dà lơgar ồng Trần Cẩm Tú dê tàm Pơrjum gùt lơgar tơn jơh broă lơh hòi jà làng bol nam 2024, lam lơh kơnòl broă nam 2025.

VOV4.K’Ho- Tàm càr Dăk lăk, geh ală ùr đảng viên sùm jơh nùs jơh tồr tă pơgồp dà kơl hề tài nùs nhơm bồ tơngoh kăc màng. Ală krơh niam hơ̆ ờ mìng pơgồp bơnah bơt bơtàu ƀòn lơgar kơ̆ kơl jăp, pas pràn lơm mờ gam lơh gơ kờñ ai rơnàng kơnòm să tŭ do in.

VOV4.K’Ho- Drim òr (10/02), tàm Hà Nội, Củ tịc lơgar ồng Lương Cường neh geh dơ̆ lơh broă mờ Cơldŭ lơh broă Củ tịc lơgar bè lam lơh broă lơh sền gàr adat boh lam nam 2025, dùl gah kwơ màng gơwèt gơnoar, kơnòl broă, gơnăp gơnoar bơh Củ tịc lơgar dê jat jơnau cih bơh Sơnoa boh lam.

VOV4.K’Ho- Ngai òr (10/02), tàm Hìu lơh broă Quôk hội, Ƀí thư Đảng ƀộ Quôk hội, Củ tịc Quôk hội ồng Trần Thanh Mẫn đơng lam pơrjum dơ̆ 1 bơh Mpồl duh broă Đảng ƀộ Quôk hội dê tơngai lơh broă bơh nam 2020-2025.

VOV4.K’Ho- Drim òr (09/02), Thủ tướng ồng Phạm Minh Chính neh lòt sền ù tiah mờ iăt jơnau yal bè rơndăp broă lơh gơl gùng jat kềng gah dà lềng Dung Quất - Sa Huỳnh lòt gan càr Quảng Ngãi mờ rơndăp broă lơh Bơcri priă lơh broă lơh gùng rơndeh lòt mhar đah Tô- đah Jum, gơl lòt gan Quảng Ngãi - Hoài Nhơn.