Drim òr (21/08), Anih duh broă Niam chài, Mpồl bơtiàn Quốk hội pơgồp bal mờ ală anih duh broă mờ anih lơh broă gơrềng bal bơyai lơh dơ̆ yal mblàng bè broă lơh jăt broă lơh adăt boh lam tàm broă kơrian sơnơm ờ ngan, phan sa ờ ngan. Jơnau yal pà gŏ, bơta sơnơm ờ ngan, sơnơm ờ niam mờ phan sa ờ ngan pơn jăt tai gơtìp kal ke, pơhìn tus mờ bơta pràn kơl dang să jan làng bol mờ bơngă pin dờn gah lơh sơnơm dê.

Bơh bồ nam 2024 tus tŭ do, mpồl Atbồ drà kă bro neh lơh glài rơlao 11 rơbô 600 dơ̆ tìs, lơh glài rơlao 76 tơmàn đong; mìng is phan lơh sơnơm, phan lơh tơn pràn să geh 345 dơ̆, lơh glài rơlao 29 tơmàn đong, phan tìs kŭp geh rơlao 14 tơmàn đong. Ƀộ trưởng Ƀộ Lơh sơnơm mò Đào Hồng Lan đơs tờm, sơnơm ờ ngan mờ phan sa ờ ngan là bơta kal ke ngan, pal geh broă tus bal ndrờm bal, pràn bơh jơh gùt mpồl lơh broă cíñ trị. Tơngai do, Cíñ phủ, ală ƀộ, gah lơh broă bal mờ ală ală càr, ƀòn dờng neh lơh uă gùng dà broă lơh, mơya kung gam geh ală bơta ờ pràn bè adăt boh lam mờ broă bơyai lơh jăt.