Tàm tơngai lơh broă pa, Đảng ƀộ Ƀộ Bơto bơtê mờ Bơsram sền gĭt tơrgùm 10 kơnòl broă tờm, tam gơl pràn tàm bơt bơtàu Đảng mờ lơh jat kơnòl broă cíñ trị.

Phó Thủ tướng ồng Lê Thành Long jờng rơ uă ngan gùng dà broă lơh, kơnòl broă geh đơs tàm Jơnau yal cíñ trị, mơkung tơngkah Đảng ƀộ pal sền gròi 6 broă tờm: bơt bơtàu Đảng sàng goh, kơnhăp pràn; yờ tơnguh uă cồng nha bơto bơtê mpồl cau pơgru dê; lơh sir kơrnoat atbồ bơto bơtê; Bơtàu tơnguh bơto bơtê đại họk; rơndăp broă lơh hìu bơsram, ơdŭ bơsram; bơt bơtàu hìu bơsram lơh geh jơnau kờñ bơsram pơgồp bal mờ lơh ngan ngồn tiah drà, ngan là hìu bơsram pe kấp ơm mờ bơsram tơn tàm hìu bơsram tàm 248 sàh tiah nhàr lơgar tềng hơđang ù gờl dê.