Tàm dơ̆ lơh broă, Thủ tướng Cíñ phủ ồng Phạm Minh Chính neh iăt đơng lam bồ Ƀộ Broă lơh sa suơn sre mờ Tiah ơm kis; đơng lam ƀòn dờng Huế mờ ală càr:  Quảng Trị, Hà Tĩnh, Nghệ An, Thanh Hóa… yal broă lơh drơng mờ mìu càl rơbŭt dờng sồ 5. Mờ nùs nhơm “rcang niam rlau mờ kơryan”, Thủ tướng sồr pal rcang tàm khà jơnhoa ngan rlau jơh.

Thủ tướng is ồn đơs sùm, broă drơng mờ mìu càl rơbŭt dờng sồ 5 pal ơn lài bơta lơngăp lơngai màng kis bơh làng bol dê hơđang ngan rlau jơh, lài ngan rlau jơh. Thủ tướng sồr ală kấp, gah broă mờ ală tiah rcang lài rcang mơ bơh tŭ do, mờ nùs nhơm rcang lài uă ngan rlau jơh; mơkung kờp sền nền nòn, crăp rcang lơh jat ală broă lơh drơng mờ mìu càl rơbŭt dờng. Mpồl Sồr lơh Dà lơgar bè rcang gàr lài làng bol neh tơnggơs Gah đơng lam lam lài tàm Anih lơh broă đơng lam Ling tiah 4, lơh anih tờm đơng lam, pơgồp bal niam mờ Ƀộ Broă lơh sa suơn sre mờ Tiah ơm kis bal mờ ală mpồl geh gơrềng.