VOV4.K'Ho- Ngai 07/07, tàm Hìu duh broă Đảng Dà lơgar, Tổng Ƀí thư ồng Tô Lâm, Lam bồ Mpồl Sồr lơh Dà lơgar bè rơcăng kơryan sa kwề sa kwà, pơhì pơhà mờ bơta ờ niam neh đơng lam dar pơrjum dơ̆ 28.

VOV4.K'Ho- Tàm Brasil, Thủ tướng Cíñ phủ ồng Phạm Minh Chính neh tus bal Pơrjum Kâp dờng BRICS rề ơnàng nam 2025 mờ geh jơnau đơs kwơmàng tàm Dar cribơyai kâp dờng BRICS rề ơnàng bè “Tơngguh tai nùs nhơm uă gah, ală broă lơh sa- priă jền mờ bồ tơngoh jak kòn bơnus dê lơh”.

VOV4.K'Ho- Ngai 07/07, Tỉñ đoàn càr Dăk Lăk lam lik lòt lơh broă mpồl ơruh pơnu geh nùs nhơm lơh broă dong kờl is lơh broă broă lơh gơnoar ătbồ 2 kâp mờ lơh drơng broă dà lơgar pờ tơn tàm internet tàm kâp hơđơm.

VOV4.K’Ho- Drim òr (07/07), Tổng Ƀí thư ồng Tô Lâm neh đơng lam dar pơrjum dơ̆ 28 bơh Mpồl Sồr lơh Dà lơgar dê bè rcang, kơryan sa kuề sa kuà, pơhì pơhà mờ bơta ờ niam nàng cribơyai, tă pơgồp jơnau đơs bè ală bơta, cồng nha lơh broă rcang, kơryan sa kuề sa kuà, pơhì pơhà mờ bơta ờ niam 6 nhai bồ nam mờ kơnòl broă tờm 6 nhai lồi nam bal mờ bàr pe tơngume ndai.

VOV4.K'Ho- Thủ tướng ồng Phạm Minh Chính neh wă đơng lam bồ Kông ty Granja Fujikura – Anih lơh sa suơn dờng broă lơh sa suơn sre măi mok pa tàm lơgar Brazil gơwèt ală kông ty Granja Fujikura bơh lơgar Nhờk dê.

VOV4.K’Ho- Broă lơh tơrlòng lài gơnoar ătbồ ƀòn lơgar 2 kâp mŭt lơh broă rlau dùl poh do mơya kung neh pà gŏ ală bơta tam gơl pa jơh nùs ngan tàm uă tiah. Tàm càr Lâm Đồng, tàm uă sàh, sơnah ƀòn neh pà gŏ rài sră pơ àr gơnoar ătbồ rơhời tam gơl jăt gùng rơcăng lài, sền làng bol, mpồl lơh sa kă bro bè là cau năc nàng drơng broă niam rlau.

VOV4.K'Ho- Drim òr (07/07), Củ tịc lơgar ồng Lương Cường tus Pơrjum tơn jơh ing 6 nhai bồ nam Ƀộ Kwang àng.

VOV4.K’Ho- Lơh jat Jơnau lơh nền tàm pơrjum sồ 57 bè bơtàu tơnguh jak chài, măi mok mờ tam gơl bơceh lơh, ală gah broă, ală tiah tàm tiah đah Jum tàm gùl lơgar mờ Tây Nguyên gam lơh pràn tam gơl sồ bơh kấp ƀòn lơgar tus kấp càr, tàm tơrbŏ dồ ròt bal mờ ală gah lơh sa - mpồl bơtiàn, is ồn là broă lơh sa suơn sre, lòt nhơl mờ lơh sa mờ măi mok lơh gơlik phan. Kơnờm bơh hơ̆, ală mpồl lơh sa ka wbro geh gĭt priă bơcri mờ rơndăp broă lơh jrô ơnàng làm uă, song dơ pă mờ geh cồng nha rlau tai, lơh geh bơta gơn kơnờm kwơ màng ai bơta bơtàu tơnguh kơ̆ kơl jăp jŏ jòng bơh tiah do dê.

VOV4.K'Ho- Do là dơ̆ sơn rờp, Việt Nam tus bal pơrjum mờ gơnoar là lơgar lơh broă bal tàm Pơrjum kwang bàng kâp dờng BRICS, dùl mpồl lơh broă bal uă lơgar đah ală rài lơh sa pa pơn rơ mờ ngai sơlơ geh bơta gơ rềng dờng ngan jơh bal bè lơh sa mờ cíñ trị.

VOV4.K’Ho- Ngai òr (06/07) (jat jiơ tiah do dê), di dơ̆ tus bal Pơrjum kwang bàng kấp dờng BRICS rề ơnàng tàm Rio de Janeiro, lơgar Brasil, Thủ tướng Cíñ phủ ồng Phạm Minh Chính neh geh dơ̆ tìp mat Thủ tướng lơgar Malaysia ồng Anwar Ibrahim.