Bơh ngai 01/07 tus ngai 15/08, ală anih lơh broă lơh sră rài kis cau tàm hìu bơnhă càr Lâm Đồng dê neh lơh rlau 46 rbô 400 sră nggal, tàm hơ̆ mờr 36 rbô 200 sră nggal lơh tơn tàm internet mờ mờr 7 rbô 300 sră nggal tàm tơrbŏ điện tử.

Nàng tơn jơh kal ke, bơsong gơ wă gơ kòl tàm lơh jăt gơnoar ătbồ ƀòn lơgar 2 kâp gơ wèt mờ broă rài kis cau tàm hìu bơnhă, Thứ trưởng ồng Nguyễn Thanh Ngọc đơs là, mờ bơnah broă lơh 80% sră nggal sră pơ àr gơnoar ătbồ tŭ do lơh tàm kâp sàh, càr Lâm Đồng pal ai lài sền gròi ai tơl gơnoar broă kwang bàng sền gàr adăt boh lam kâp sàh; sền gròi bơcri priă phan bơna măy mŏk yal tơnggĭt jơnau; blơi tơl phan ngui măy mŏk lơh geh di jơnau sồr lơh jăt kơnòl broă broă mờng lơh.