Dơ̆ sền swì dồ êt mờ bơta tus bal bơh rlau 40 rbô nă cau dê geh ală mpồl gơ wèt Mpồl ling klàng làng bol, Kwang àng làng bol, làng bol, mpồl ntàu mờ ròt phan tam lơh ling klàng, rơndeh mờng ngui, bal mờ ală mpồl làng bol mờ bơta tus bal bơh làng bol dê. Is ồn sơnđờm ai dơ̆ sền swì dồ êt tàp là bơnah yal lơh loh tơn bơh anih pờ Khánh Hoà, bal mờ rùp hin video ling lòt pơdar ală mpồl phàu crong tàm dà lềng, geh bơta tus bal bơh ơhò ñơ̆p mur, ơhò lòt gròng sền gàr phàu ồs, ơhò phàu ồs, ală bơta ơhò kảñ sát dà lềng, sok sền lơh ka, ling lơh sơnơm, rơndeh par duk…

Tơl cơnđoà jơng lòt pràn kơldang, mpồl cau niam ngan bơh ală mpồl ling klàng, kwang àng mờ mpồl làng bol dê neh lơh kah wơl bơta hừh nùs jơi bơtiàn, lơh kah wơl jơnau kah kir khin cha jak chài bơh dà lơgar dê kơ̆ nùs khin cha tàm tam lơh, kơ̆ kơl jăp tàm bơ̆t bơtàu mờ sền gàr Dà lơgar. Jăt broă rơndăp lơh, lài mờ tŭ mŭt tàm Dơ̆ bơyai lơh tơngkah kir sơnrai ngan ngồn tàm drim ngai 02/09, dơ̆ Sền wơl jơh tàp ling lòt pơdar, làng bol lòt pơrdar rơ̆p lơh geh tàm drim ngai 30/08.