Tơnơ̆ 32 nam tơnggơs mờ bơtàu tơngguh, anih lơh broă sùm tiah Tây Nguyên neh đơs nền geh bơngă bơh dùl anih lơh broă sră ƀăo Dà lơgar ơm lơh broă sùm tàm kơnhoàl ù tiah do, geh gơnoar broă kwơmàng tàm lơh jăt ală jơnau đơs pờ tơlik dà jơi bơtiàn, pờ tàm gah pờ tơlik jơnau đơs dà lơgar dê. Bal mờ lơh gơlik dùl anih tơn mờ pờ tơlik 6 dà đơs: Rơđê, Jrai, Bahnar, Sơdàng, K’Ho mờ M’nông, dờp pờ jơnau đơs dà Mông, dà Thái, anih lơh broă sùm tiah Tây Nguyên gam bơyai lơh jòi tơrgùm gùng đơs crih cing mồng, jơnau pơnđik, jơnau yal yau Tây Nguyên; kơlôi sơnơng jak chài drơng mblàng dà đơs mờ pờ tơlik mờ dà jơi bơtiàn; yal tơnggĭt, yal wơl tơl bơta rài kis lơh sa- cíñ trị, mpồl bơtiàn bơh ală jơnau cih sră ƀăo uă gah tàm gah pờ tơlik bơh Anih jơnau đơs Việt Nam dê.

Ồng Đinh Hữu Trường, lài do Lam bồ Cơldŭ Cau jòi cih jơnau VOV Tây Nguyên đơs, bơta dùl nùs bal, tam klăc bal bơh jơh ală kwang bàng, cau lơh broă tàm anih lơh broă dê rơ̆p là bơnàng jà, bơta gơn kơnờm nàng pơn jăt tai lơh gơs kơnòl broă tàm tŭ tơngai pa, lòt bal mờ dà lơgar, kơnhoàl ù tiah do, tơnggŏ geh nùs nhơm “tam klăc, sơrlèt kal ke, sơrbăc mhar ngăc ngar- rài kis niam chài is – bơnĕ bơnài”.