Mpồl bơyai lơh dờp geh rlau 40 jơnau cih tus bal bơh ală cau jak chài, ala mat ală anih lơh broă Dà lơgar, Hìu bơsram kơlôi sơnơng, Hìu bơsram Đại họk tàm jơh gùt lơgar. Ală jơnau yal tơrgùm lơh loh làng ală bơta kwơ dờng màng bơh Jơnau yal bơr Lơngăp lơngai is dê: đơs nền cồng nha tam lơh jơh nùs kơ̆ dơn bơh jơi bơtiàn bơh bơta đơng lam bơh Đảng mờ Củ tịc Hồ Chí Minh dê; pờ geh rài pa ai jơi bơtiàn, lơh bơnàng jă ai tam lơh jai pha kăc màng Việt Nam in.

 Uă jơnau đơs đơs sùm gơtha ală lơgar jrô ơnàng làm uă bơh Jơnau yal bơr dê, tơngŏ bơta kơ̆p kờñ ring lơngai, khat gơboh, di mờ adat boh lam. Pơrjum cribơyai kung đơs broă lơh jat niam bồ tơngoh bơta kwơ ờ tŭ lơi roh bơh Jơnau yal bơr Lơngăp lơngai is dê, pơgồp bơnah lam jơi bơtiàn Việt Nam bơtàu tơnguh pas gơs, gơboh gơbài, tơbă pơnì bal mờ bơyô ală lơgar dê.