Tổng Ƀí thư ki ngàm pơyoa jơnau còp să, ưn ngài ală oh mi lơh broă kăc màng dờng sơnam, ală kwang bàng lài do mờ cau ala măt Quốk hội bơh ală tŭ tơngai dê. Ồng đơs nền, 80 nam do, Quốk hội lơgar Việt Nam sùm lòt bal mờ jơi bơtiàn, là anih cri bơyai, lơh nền ală broă dờng màng, ai tơngŏ bồ tơngoh, jơnau kơ̆p kờñ bơh làng bol dê.

Đơs tềng đăp mờ rơlao 2 rơbô 200 nă cau ala măt, Tổng Ƀí thư đơs loh gùng dà bơtàu tơnguh dà lơgar tàm tơngai tus, tàm hơ̆ uă ngan là lơh geh cồng nha Jơnau lơh nền tàm Pơrjum dờng dơ̆ XIII mờ rơcang niam ai Pơrjum dờng dơ̆ XIV Đảng dê. Ồng đơs uă 3 gùng dà broă lơh: gàr niam gơnoar tờm ù tiah, tơl ù tiah dà lơgar mờ lơngăp lơngai mpồl bơtiàn; bơtàu tơnguh mhar, kơl jăp; gơguh sùm rài kis phan bơna, nùs nhơm làng bol in.