Lòt sền broă rơcang bơyai lơh ràng tơlik, Củ tịc Quôk hội ồng Trần Thanh Mẫn cih dờp mờ đơs niam bơta lơh ngan bơh Cơldŭ lơh broă Quôk hội mờ ală anih lơh broă geh gơ rềng dê tàm broă lam lơh ală broă rơcang bơyai lơh ràng tơlik. Củ tịc Quôk hội ồng Trần Thanh Mẫn sồr, Cơldŭ lơh broă Quôk hội mờ ală anih lơh broă geh gơ rềng pơn jat tai kờp sền mùl màl, nền nòn tơl broă, ngan là ală broă gơ rềng tus măi mok, tàm tơrbŏ bal, gàr bơta crăp rơcang nàng Ràng tơlik “Jơnau kah yau mờ Kơnòl Quôk hội Việt Nam” geh bơyai lơh yŭ rơyùm, pa ngan, ai tơnggŏ loh làng gùng 80 nam pơn yờ să bơh Quôk hội Việt Nam dê – dùl Quôk hội ngan ngồn bơh làng bol dê, tài làng bol, tă pơgồp dipal tàm cồng nha bal bơh dà lơgar dê tơnơ̆ 80 nam lơngăp lơngai is, lơh gơlik tềl lời wơl niam ngan tàm nùs nhơm làng bol mờ gơp bơyô ală lơgar.