Ngai 21/08, tàm Hìu duh broă Đảng Dà lơgar, Tổng Ƀí thư ồng Tô Lâm đơng lam dơ̆ lơh broă mờ Mpồl Lơh kơnòl broă sùm Thàñ ủy Hà Nội mờ Mpồl Lơh kơnòl broă sùm Thàñ ủy ƀòn dờng Hồ Chí Minh nàng ai jơnau đơs tàm jơnau rơcăng cih sră nggal, ală jơnau neh lơh nền kwang bàng  yal Pơrjum dờng Đảng ƀộ bàr ƀòn dờng in. Pơndŭt dơ̆ lơh broă, Tổng Ƀí thư ồng Tô Lâm đơs wih đơs wơl, bàr Đảng ƀộ pal gĭt wă jrô anih is ồn bơh Càr lơgar mờ ƀòn dờng Hồ Chí Minh dê, mơkung tơnggŏ loh kơnòl mờ jơh gùt lơgar in.

Tổng Ƀí thư ồng Tô Lâm sồr Thàñ ủy Hà Nội mờ Thàñ ủy ƀòn dờng Hồ Chí Minh iăt kơno jơnau đơs bơh ală oh mi Ƀộ Cíñ trị dê; jơnau đơs tă pơgồp jơnau đơs bơh ală mpồl, ƀộ, gah dê nàng lơh sir tơnggume sră nggal, bơyai lơh geh cồng nha Pơrjum dờng Đảng ƀộ tơngai lơh broă bơh nam 2025- 2030. Mơkung geh broă lơh lơh broă loh làng, geh tŭ tơngai lơh jăt gơtùi ngan ngồn, nàng kờñ lơh jăt geh cồn g nha ală jơnau kờñ, broă jàu Pơrjum dờng dê sồr lơh, pơgồp bơnah tàm bơta bơtàu tơngguh bal bơh dà lơgar dê.