VOV4.K’Ho- Di Satềp nam pa Giáp Thìn, Tơnkah 94 nam ngai crơng gơs Đảng Kộng sản Việt Nam, ngai òr (02/02), Củ tịc Quốk hội Vương Đình Huệ neh còp mờ chờ gờm Satềp kwang bàng, cau ling sền gàr tiah nhàr dà lơgar.

VOV4.K'Ho - Ngai 02/02, lài mờ sa tềp dà lơgar nam Giáp Thìn 2024, Củ tịc lơgar Võ Văn Thưởng neh lòt còp, sền sơ wì broă rơcang lài tam lơh bơh Kwang àng ƀòn dờng Hồ Chí Minh dê; còp, nting bơr sa tềp 2, 3 nă cau chài, cau geh bồ tơngoh bơsram sră geh bơngă pin dờn, geh pơn rơ jak tàm ƀòn dờng.

VOV4.K'Ho - Đơs tàm dơ̆ jàu khà jờng Mut mơ̆ rơmit dơ̆ VIII, Thủ tướng Phạm Minh Chính đơs nền, pal sền gròi uă mờ sơlơ tơnguh rlau tai broă lơh bơt bơtàu, lơh niam wơl Đảng tơl làm.

VOV4.K'Ho - Tơl nă cau bơsram dờng, đoàn viên ơruh pơnu rơp là dùl “đại sứ” lơh gơ rề uă ală bơta kuơ niam chài bơh yau mờ bơta niam chài krơi is jơi bơtiàn dê tus mờ gơp bơyô tàm lơgar mờ lơgar ndai. Do là bơta kơp kờñ bơh kwang đơng lam bồ ƀòn dờng Buôn Ma Thuột, càr Dăk Lăk dê tàm broă lơh tìp mat, jờng rơ cau bơsram dờng, ơruh pơnu jơi bơtiàn dồ êt nă cau mờ jat yàng geh pơn rơ jak nam 2024.

VOV4.K’Ho- Mho ngai 01/02, Đảng ủy Anih lơh broă Ƀan Tuyên Giáo Dà lơgar bơyai lơh Pơrjum tìp mat tơngkah kir sơnrai 94 nam Ngai tơlik mat Đảng Kộng sản Việt Nam mờ dơ̆ jàu Gai lòng Đảng.

VOV4.K'HO- Đơs tàm dơ̆ bơyai lơh, Thủ tướng Cíñ phủ Phạm Minh Chính nting bơr gờm chờ bơta lơh geh cồng nha bơh Khà jờng sră ƀăo Mŭt mơ̆ rơmĭt dơ̆ VIII nam 2023 dê mờ jờng rơ ală cau dồ nă să, mpồl cau neh tus bal mờ lơh geh Khà jờng nam do.

VOV4.K'Ho - Drim ngai 01/01, Thủ tướng Cíñ phủ Phạm Minh Chính đơng lam pơrjum Cíñ phủ nhai 1 – nhai sơn rờp nam 2024 dê nàng kờñ tơrgùm cribơyai bè broă lơh sa – mpồl bơtiàn nhai 1, ai priă bơcri dà lơgar, 3 broă lơh jơnau kờñ dà lơgar mờ ală tơngume tờm sồr lơh tàm tơngai tus.

VOV4.K’Ho- Tŭ do, geh git nđờ jơ̆t nă kông ñân tàm dùl rơndăp broă lơh wàng ròng sur dờng tàm kơnhoàl Chư Pưh, càr Gia Lai kung gam kơ̆p cau tờm bơcri priă tơm priă nhai neh dồs bơh uă nhai do. Satềp neh mờr tus, kông ñân ờ sŭk ngan, mơya cau tờm bơcri priă bal mờ mpồl lơh broă kung gam ờ hềt bài tơm priă nhai ai cau lơh broă in sơl.

VOV4.K'Ho - Mho ngai 31/01, tàm Hà Nội, Thủ tướng Phạm Minh Chính còp, nting bơr sa tềp Hìu bơsram Đại họk Văn hóa Nghệ thuật ling klàng.

VOV4.K’Ho- Mho ngai 31/01, tàm ƀòn dờng Yên Bái, Củ tịc Quôk hội Vương Đình Huệ tus còp, nting bơr gờm chờ sa tềp Kwang bàng, cau ling Trung đoàn Ling rơndeh par 921, Sư đoàn 371, Quân chủng Rcang gàr tềng hơđang kơl wàng trồ- Ling rơndeh par di dơ̆ Nam pa Giáp Thìn 2024 mờ tơngkah kir sơnrai 60 nam Ngai bơhiàn yau bơh Trung đoàn dê (03-02-1964- 03-02-2024).