Do là dơ̆ lòt lơh broă lơgar bơdìh bơh sơnrờp bơh Củ tịc lơgar ồng Lương Cường dê tàm gơnoar broă pa, geh gơtha mờ bơta kwơmàng is ồn jơh bal bè 2 gah mờ uă gah. Dơ̆ lòt còp rơ̆p pơgồp bơnah pơn jăt tai lơh kơ̆ kơl jăp gĭt gơ̆p lơh bơyô ờs mờng bơh yau, tơngguh rlau tai bơta pin dờn cíñ trị, lơh jăt geh cồng nha ală jơnau tơl pràn lơh broă bal, chồl tơngguh gĭt gơ̆p bơh Việt Nam dê mờ lơgar Chile bal mờ Peru kung bè kơnhoàl ù tiah Mỹ Latinh.

Bal mờ hơ̆, broă Củ tịc lơgar tus bal Tơngleh Kwang bàng Kâp dờng APEC 2024 di tàm dơ̆ tơngkah kir sơnrai 35 nam tơlik măt Cribơyai, pơn jăt tai đơs nền tă pơgồp jơh nùs, geh kơnòl bơh lơgar Việt Nam dê tàm broă bơsong ală broă kơnhoàl ù tiah do mờ gùt plai ù, is ồn là chồl tơngguh ală broă lơh lơh bal lơh sa ală lơgar, lơh gơlik bơta gơn kơnờm pa ai gơguh tai lơh sa bơh kơnhoàl ù tiah dê; pơn jăt tai lơh kơ̆ kơl jăp gơnoar broă APEC dê là cribơyai lơh sa khà dùl, tiah bơtòm tơrgùm 3 tàm 5 lơgar geh rài lơh sa dờng ngan rlau jơh dunia.