Tàm dơ̆ lòt lơh broă dơ̆ do, Thủ tướng Cíñ phủ ồng Phạm Minh Chính neh geh broă lơh broă li la ngan, bal mờ 19 broă lơh 2 gah, geh: pơrjum bơyai mờ Thủ tướng Cíñ phủ lơgar Lo ồng Lý cường, bal mờ Thủ tướng lơgar Lo ồng Lý Cường sền gŏ bal Dơ̆ tàm pơgơl sră cribơyai broă mờ lơgar ndai lơh Cơldŭ lơh broă ala măt lơgar Việt Nam tàm Trùng Khánh; tìp măt kâp dờng mờ Kwang đơng lam bồ càr Vân Nam, ƀòn dờng Trùng Khánh, Tiah ătbồ is kòn cau Choang càr Quảng Tây…

Tàm ală dơ̆ pơrjum bơyai, boh bơr bơh Thủ tướng ồng Phạm Minh Chính dê mờ Thủ tướng lơgar Lo ồng Lý Cường mờ Kwang đơng lam bồ càr Vân Nam, Trùng Khánh, Quảng Tây, 2 gah lơh geh uă gĭt wă bal kwơmàng bè broă pơn jăt tai lam lơh jăt, lơh jăt ngan ngồn gĭt wă bal kwang bàng kâp dờng, ai tơl bơta gĭt gơ̆p Việt Nam mờ Lo in, tàm hơ̆ geh ală tiah lơgar Lo dê in bơtàu tơngguh ngai sơlơ geh cồng nha, ngan ngồn, kơ̆ kơl jăp.