VOV4.K’Ho- Ngai òr (26/10), Mpồl kwang bàng lơh broă tàm Mpồl đơng lam Dà lơgar bè rơcang sơndră mờ sa kuề sa koà, ờ niam geh ồng Trần Cẩm Tú, Kwang geh jơng tàm Ƀộ Cíñ trị, Củ ñiệm Ủy ƀan Kiểm tra Dà lơgar, Phó kwang atbồ Mpồl đơng lam Dà lơgar bè rơcang sơndră mờ sa kuề sa koà, ờ niam lam bồ Mpồl kwang bàng (mpồl sồ 3) neh geh dơ̆ lơh broă mờ Tỉñ ủy càr Bà Rịa-Vũng Tàu nàng yal broă rơndăp lơh sền gròi broă lơh jăt kơrnoăt boh lam gùng dà broă lơh bơh Đảng bè broă rơcang sơndră mờ sa kuề sa koà, ờ niam gơs adăt boh lam Dà lơgar dê.

VOV4.K’Ho- Thủ tướng ồng Phạm Minh Chính neh wă rò ồng Anthony Capuano, Củ tịc, Kwang atbồ đơng lam Tập đoàn Marriott, lơgar Mỹ.

VOV4.K’Ho- Ală nam do, càr Dăk Lăk neh lơh ngan lơh jăt Nghị địñ sồ 98 nam 2018 bơh Cíñ phủ bè broă dong kờl hòi jà bơtàu tơnguh hợp ták xã, pơgồp bal tàm broă lơh sa, kă bro phan geh lơh bơh bơh suơn sre mờ tơrbŏ bal tăc phan geh lơh bơh suơn sre tàm càr dê. Bơh tŭ hơ̆ ai tơngŏ lơh sa mpồl bal tàm càr Dăk Lăk neh pơgồp bal uă ngan tàm broă tam gơl lơh sa, tơnguh bơta kwơ phan geh lơh geh , pơgồp bal tàm broă tam gơl muh măt ƀòn lơgar.

VOV4.K'Ho - Củ tịc lơgar ồng Võ Văn Thưởng pa kĭ kơrnuat bè ring bal Hiệp địñ tàm dong kờl sền gàr adat boh lam bè hìñ sự đah lơgar Cộng hòa xã hội củ nghĩa Việt Nam mờ lơgar Kộng hòa Argentina jat jơnau sồr bơh Cíñ phủ dê tàm Sră yal sồ 523 ngai 09/10/2023.

VOV4.K’Ho- Mho ngai 25/10, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă rò Phó Thủ tướng, Ƀộ trưởng Ngoại giao lơgar Thái Lan ồng Parnpree Bahiddha-Nukara di dơ̆ lòt còp ngan ngồn lơgar Việt Nam bơh ngai 25 tus 26/10/2023.

VOV4.K'Ho -Ngai 25/10, Ủy ƀan Ñân zân càr Lâm Đồng geh sră nggal jal mhar bè broă bơsong bơta aniai gơlik geh tŭ dà kŏ dà cò tuh rê lơh gơ lup rơndeh oto lơh 4 nă nac lòt nhơl lơgar Hàn Quôk chơt tài rềs àr tàm Tiah lòt nhơl ƀòn Cù Lần jat jơnau sồr bơh Thủ tướng Cíñ phủ dê.

VOV4.K’Ho- Nàng rcang sơndră bơta aniai rềs àr tài bơh ồs đèng tàm làng bol, bal mờ broă atbồ gàr niam gùng kềng lơngăp lơngai gùng che ồs đèng, nam 2023, Kông ty Ồs đèng càr Dăk Lăk neh sơlơ tơnguh broă lơh mblàng yal mờ uă broă lơh li la, uă ngan.

VOV4.K'Ho - Pơn jat tai pơrjum dơ̆ 6, drim ngai 25/10, Quôk hội lam lơh ai sră đùh pin dờn mờ broă đùh sră ndơp gơ wèt mờ 44 gơnoar broă bơh Quôk hội tơn pồ, ring bal kĭ tơn pồ.

VOV4.K’Ho- Drim ngai 25/10, tàm ƀòn dờng Hồ Chí Minh geh bơyai lơh Cribơyai jak chài dunia bè Dà lềng đah mat tơngai lik dơ̆ 15 mờ tơngume “Lơh ờ hoan geh tiah dà lềng ờ niam, rề ơnàng tiah dà lềng tơlir”, bơh Họk viện Ngoại giao mờ ală anih lơh broă lơh broă bal pơgồp bal bơyai lơh.

VOV4.K'Ho - Ngai 25/10, tàm ƀòn dờng Buôn Ma Thuột, càr Dăk Lăk, Vụ Lơh broă bal dunia, Ƀộ Nông nghiệp mờ Phát triển Nông thôn bơyai lơh Pơrjum tam pà mờng chài sơlơ tơnguh gơnoar broă cau ùr tàm 2, 3 ròt mpồl phan lơh gơs bơh suơn sre.