5 nhai do, lơh sa dờng Việt Nam dê kơ̆ kơljap, roh giă priă geh sền gròi, ală jơnau tàm pơn ring dờng geh gàr niam, dồs dà lơgar, dồs Cíñ phủ, dồs lơgar ndai tàm khà dipal; uă mpồl lơh broă dunia pin dờn mờ đơs lài gơguh lơh sa GDP bơh Việt Nam dê nam 2024 geh pơgap rlau 6%.

Đơs pơn dut dơ̆ pơrjum, Thủ tướng ồng Phạm Minh Chính neh mblàng lơh loh, sền sơ wì tŭ niam, bơta ƀuơn, kal ke, bơta lòng mờ đơs là, kal ke, bơta lòng uă rlau mờ tŭ niam, bơta ƀuơn, mơya lơh ngan lơh geh cồng nha kơnòl bơtàu tơnguh lơh sa mpồl bơtiàn nam 2024. Thủ tướng sồr ală ƀộ, gah broă lơh dà lơgar pơn jat tai đơng lam broă lơh priă jền rơcang lài, ngac ngar, di tŭ, geh cồng nha; pơgồp bal ring bal, bơnĕ bơnài, nền nòn mờ broă lơh priă jền rề ơnàng dipal, geh tơngume tờm, geh bơta tờm; lơh gơlik bơta ƀuơn ai mpồl lơh sa kă bro mờ làng bol in geh càn priă, mờ priă cồng ai càn gơmù dipal; kràñ cê, jơh nùs lam lơh ală broă lơh gàr giă priă drà kă bro, rơcang lài tac li la phan bơna, ờ lời gơlik geh bơta ờ tơl phan mờ broă drơng ala nàng drơng làng bol in.