Tơnơ̆ tŭ iăt kwang đơng lam bồ ală ƀộ, gah broă đơs hơ ală jơnau dan bơh càr dê, Củ tịc lơgar ồng Tô Lâm đơs loh, Cao Bằng là ù tiah geh gơnoar broă mờ broă lơh dờng màng ngan, là “tiah nhàr lơgar” bơh Dà lơgar dê, là “mpồng mŭt” bơh đah măt tơngai mŭt mờ đah tô dà lơgar dê, geh uă ù tiah brê bơnơm geh is niam bơnĕ, gam wơl bè ờs bơh yau, dờng ơning ơnàng; geh 27 jơi bơtiàn oh mi ơm kis bal mờ rài niam chài li la, bềng rài kis niam chài krơi is jơi bơtiàn dê.

Nàng lơh jăt geh cồng nha kơnòl broă tàm tơngai tus, Củ tịc lơgar ồng Tô Lâm sồr càr Cao Bằng pal ring bal, dùl nùs bal, lơh broă kràn cê jơh nùs; lơh tơngkah wơl pràn kơldang bơta kơ̆p kờñ brồ guh, nùs nhơm tam klăc, pơñiờ să, sền ki ngàm is jơi bơtiàn; lơh gơrềng bơta pràn bơceh lơh, bơta pràn bơh tàm dơlam is, bơhiàn ờs mờng kah yau, niam chài, kòn bơnus bơh kơnhoàl ù tiah “tiah tờm kăc màng” dê; bañ kơ̆p kơnờm, kơldìng wơl mờ pal pơnđơl pràn is, kơnờm is tàm bơta pràn tờm nàng pơnđơl pràn lơh geh cồng nha broă rơndăp lơh bơtàu tơngguh lơh sa- mpồl bơtiàn tơngai bơh nam 2021- 2025.