Gơl gùng drà lòt jơng Trần Quốc Toản lòt jat kềng gah gùng lòt tơnau dà Xuân Hương mờ ƀlàng nhơl Golf Bơnơm Cù tơlir dờng ơning ơnàng, tus Suơn bơkào ƀòn dờng Dà Làc dê, mờ bơta jòng 1,6 kơi sồ.

Tàm ù tiah drà lòt jơng geh Ủy ƀan Ñân zân ƀòn dờng Dà Làc lơh ală tiah ràng tơlik dềt nàng bơyai lơh đơs crih tam ya drơng làng bol mờ năc lòt nhơl in, bè: ràng tơlik đờng guitar mờ kèn harmonica, violin, tam ya zumba, ù tiah lơh broă mòn lơh phan niam, ală mpồl đơs crih tam ya bơyai lơh khat gơboh... Tơngai lơh broă bơh drà lòt jơng dê bơh 6 jiơ mho tus 10 jiơ mang ală ngai dơ̆ 6, dơ̆ 7, mờ ngai rơlô pah poh. Drà lòt jơng là tiah sền tiah niam, lòt jơng, lơh rài bồ tơngoh, lơh geh jơnau kờñ tus sền, sền gĭt bơta niam chài- đơs crih tam ya, phan sa bơh năc lòt nhơl dê, pơgồp bơnah ngui niam bơta kwơ tiah lời wơl niam ngan kấp Dà lơgar tơnau dà Xuân Hương dê.