Tus pơrjum tơn jơh Adăt Sĩ quan Ling klàng làng bol Việt Nam, ală kwang bàng đơs nền ală bơta niam, cồng nha geh pơnrơ bơh gùt ling klàng dê tàm broă lơh jăt Adăt Sĩ quan Ling klàng làng bol Việt Nam nam 1999.

Bơh 10 nam lơh jăt Adăt neh ai geh tơngu me adăt boh lam bơ̆t bơtàu mpồl sĩ quan kơ̆p kơl jăp, pràn kơl dang, bơta pràn ngai sơlơ gơguh uă, lơh tờm bơ̆t bơtàu Ling klàng làng bol kăc màng, lơh tờm, ngăc ngar, rơhời lơh pa, bơ̆t bơtàu mờ sền gàr kơl jăp Dà lơgar Việt Nam xã hội củ nghĩa. Đơs jơnau pơn dŭt pơrjum, Đại tướng ồng Phan Văn Giang đơs loh: broă pơlam cih sră nggal đah đơm adăt boh lam geh tŭ ờ hềt di tŭ. Ai kơnòl broă, gơnoar broă ndrờm bal mờ groă bơh sĩ quan tàm ờ uă anih lơh broă, mpồl lơh broă ờ hềt di pal. Broă lơh jăt Adăt sĩ quan tŭ do gam geh ờ uă bơta gơkòl, tài rơndăp broă ling klàng geh uă tam gơl, neh geh lơh niam wơl jăt gùng dà broă lơh ngăc ngar, lơyah, pràn.