Củ tịc Quôk hội ồng Trần Thanh Mẫn đơs mŭt pơrjum mờ bal mờ ală Phó Củ tịc Quôk hội tàm ala đơng lam tơngume dơ̆ pơrjum. Tàm dơ̆ pơrjum do, Ủy ƀan Thường vụ Quôk hội rơ̆p sền swì, ai jơnau đơs bè uă tơngume kwơmàng gam sền tàm Quôk hội tàm dơ̆ pơrjum dơ̆ 07. Bè broă lơh adăt boh lam, tàm dơ̆ pơrjum do, Ủy ƀan Thường vụ Quôk hội lời uă tŭ jiơ nàng lơh ai jơnau đơs bè broă mblàng yal lơh loh, iăt kơno, tam gơl wơl jơnau rơcăng cih Adăt Rơndăp tăp sèng lơngăp lơngai lòt rê tàm gùng ù gờl; Ai jơnau đơs bè broă mblàng yal lơh loh, iăt kơno, lơh tam gơl wơl jơnau rơcăng cih Adăt Gùng ù gờl; Ai jơnau đơs bè broă mblàng yal lơh loh, iăt kơno, lơh tam gơl wơl jơnau rơcăng cih Adăt Càr lơgar (tam gơl)…

Bè lơh nền ală broă kwơmàng, Ủy ƀan Thường vụ Quôk hội rơ̆p ai jơnau đơs bè Rơndăp ù tiah Càr lơgar Hà Nội tơngai bơh nam 2021- 2030, wèt sền tus nam 2050 mờ Tam gơl wơl Rơndăp ù tiah bal càr lơgar Hà Nội tus nam 2045, wèt sền tus nam 2065; Sền swì, lơh nền bè gùng dà ngui priă gơguh priă tă, tềm pềr dơ̆ ngui sùm bơh kes priă dà lơgar dê nam 2023 mờ uă tơnggume kwơmàng ndai.