VOV4.K’Ho- Drim òr (31/10), tàm ƀòn dờng Pleiku, ủy ƀan Mặt trận Dà lơgar Việt Nam càr Gia Lai bơyai lơh Pơrjum jờng rơ ală mpồl, cau dùl nă să geh pơnrơ jăk tàm broă lơh jăt Dơ̆ lam sồr “Cau lơgar Việt Nam ai lài ngui sa phan Việt Nam” tơngai bơh nam 2019 tus 2023.

VOV4.K’Ho- Mho òr (1/10), wă rò ồng Park Hark Kyu, Kwang atbồ dờng drơng broă priă jền Tập đoàn Samsung gam còp, lơh broă tàm lơgar Việt Nam, Thủ tướng Cíñ phủ ồng Phạm Minh Chính kơ̆p kờñ Samsung pơn jăt tai sền lơgar Việt Nam là tiah lơh sa jŏ jòng, kơlôi sơnơng - bơtàu tơnguh mờ lơh ală bơta phan tờm tăc tàm drà kă bro dunia.

VOV4.K’Ho– Drim ngai 31/10, tàm Hà Nội, Ƀộ Kwang àng bơyai lơh dơ̆ wă rò ngan ngồn Mpồl kwang bàng kấp dờng Ƀộ Kwang àng lơgar Nga gam geh dơ̆ còp mờ lơh broă tàm lơgar Việt Nam.

VOV4.K’Ho- Thủ tướng Cíñ phủ pa geh kông điện sồr tơrgùm bơsong jơnau gơ lời wơl bơh dơ̆ rềs àr gùng lòt kơn jơ̆ ngan tàm càr Lạng Sơn.

VOV4.K'Ho - Tơngai lài, lam lơh niam broă lơh sa pơgồp bal mờ gàr lơngăp lơngai rài kis mpồl bơtiàn, ală bă kau su bơh mpồl lơh sa- sền gàr dà lơgar Ƀiñ đoàn 15 dê neh pơgồp bơnah tam gơl tơl làm rài kis làng bol tàm tiah nhàr dà lơgar đah tô Tây Nguyên dê.

VOV4.K’Ho- Drim òr (30/10), tàm Hà Nội, tềng đăp bơta tus bal bơh Thủ tướng Cíñ phủ ồng Phạm Minh Chính dê, Tập đoàn Nhơm zờu lơgar Việt Nam (Petrovietnam) bal mờ ală cau lơh broă bal neh kĭ hơ ală sră pơr gon geh gơrềng mờ lam lơh ală rơndăp broă lơh Nhơm- đèng Lô B, lơh tềl bơtàu tơnguh kwơ màng bơh ală rơndăp broă lơh tờm do dê.

VOV4.K'Ho- Đại tướng ồng Phan Văn Giang, Kwang geh jơng Ƀộ Cíñ trị, Phó Ƀí thư Quân ủy dà lơgar, Ƀộ trưởng Ƀộ Quôk phòng Việt Nam mờ Mpồl kwang bàng kâp dờng Ƀộ Quôk phòng Việt Nam neh lòt còp Viện Khoa họk ling klàng Ling tơngklàs làng bol lơgar Lo mờ Lữ đoàn pơgồp bal sồ 6 gơ wèt Tập đoàn ling klàng sồ 82.

VOV4.K'Ho- Tơnơ̆ uă dơ̆ ơm ing ờ jat tŭ tơngai hơ pơrgon, drim ngai 30/10, ƀòn dờng Buôn Ma Thuột, càr Dăk Lăk bơyai lơh sơn đờm ai ngui gùng đah mat tơngai lik đah mat tơngai mut (tam gơl mat là gùng Võ Nguyên Giáp) tàm tơrbŏ bal đah tiah tờm ƀòn dờng mờ Ƀlàng rơndeh par Buôn Ma Thuột mờ gùng dờng 27 lòt càr Lâm Đồng.

VOV4.K’Ho- Tơnơ̆ 5 nam lơh jăt rơndăp broă, Ƀòn dờng Pleiku neh gơs ƀòn dờng lam lài ai tiah hìu bơsram lơngăp lơngai tàm càr Gia Lai mờ tiah Tây Nguyên dê.

VOV4.K’Ho- Mho mang ngai 30/10, tàm Hìu Quôk hội dê, Củ tịc Quôk hội ồng Vương Đình Huệ đơng lam dơ̆ lơh broă bè broă lơh rơcăng bơyai lơh dơ̆ lùp mờ hơ jơnau lùp tàm pơrjum dơ̆ 06, Quôk hội khoă XV.