Dơ̆ pơrlòng sơnđờm bơh tŭ do tus jơh ngai 14/07/2024, tơrgùm tàm 3 tơngume, jơnau kờñ tờm ngan; bơt bơtàu mpồl lơh broă pràn kơl dang, kơ̆ kơl jăp bè cíñ trị, bồ tơngoh, nùs nhơm, broă lơh, mpồl cau mờ kwang bàng; lơh jat kơnòl broă cíñ trị lơh geh bơta niam, geh cồng nha uă ngan rlau jơh; lam lơh ală broă lơh geh ngan mờ geh cồng nha. Jat hơ̆, 100% kwang bàng, cau ling geh gĭt wă di, sền gĭt niam bồ tơngoh, geh kơnòl uă mờ anih lơh broă, mpồl lơh broă, rcang dờp mờ lơh sir jak ngan tơl kơnòl broă geh jàu.

Nàng lơh jat dơ̆ pơrlòng, Đảng ủy- Gah đơng lam Mpồl ling klàng càr Dăk Lăk sồr ală anih lơh broă, mpồl lơh broă, sền sơ wì jơh broă lơh, kơnòl broă jat broă rơndăp lơh nam dê mờ kơnòl broă neh gĭt nền, bơh hơ̆, sồr anih lơh broă, mpồl lơh broă lơh sir niam ngan tơl kơnòl broă geh jàu, pơgồp bơnah bơt bơtàu anih lơh  broă, mpồl lơh broă kơ̆ kơl jăp, pràn kơl dang tơl làm “lam lài, pơn rơ jak ngan”.