Ală kwang bàng Quôk hội đơs là do là gơl gùng geh gơtha kwơ màng ngan tàm tàm tơrbŏ bal gùng rơndeh lòt mhar, tàm tơrbŏ bal tờm ngan tiah Tây Nguyên mờ tiah đah Jum mat tơngai lik Dà lơgar.

Broă bơcri priă lơh rơndăp broă lơh rơ̆p hời rơ hời lơh sir broă lơh gùng rơndeh lòt mhar jat rơndăp ù tiah dê, pờ geh ù tiah bơtàu tơnguh pa ai ală tiah in mờ sơlơ tơnguh lơh bal kơnhoàl ù tiah, lơh geh bơta gơn kơnờm, lơh bơta pràn gơ rề uă, bơta ƀuơn tàm tơrbŏ bal mờ Ƀlàng rơndeh par ală lơgar Long Thành mờ Ƀlàng rơndeh par Cái Mép- Thị Vải, drơng broă bơtàu tơnguh lơh sa- mpồl bơtiàn tiah Tây Nguyên mờ tiah đah Jum mat tơngai lik Dà lơgar, dong sơlơ tơnguh broă sền gàr Dà lơgar, bơta lơngăp lơngai. Mơya, gơl gùng Chơn Thành- Đức Hòa tŭ do mìng rơndăp ù tiah lơh gùng rơndeh lòt kấp 3 tiah ring lơm, pal kơlôi sơnơng, sền sơwì tơnguh lơh gơl gùng rơndeh lòt do  bal mờ gơl gùng 4 bơnàng rơndeh lòt bè gơl gùng Gia Nghĩa- Chơn Thành dê.