Tàm dơ̆ wă, Củ tịc Quốk hội đơs nền, bơta git gơ̆p đah Quốk hội lơgar Việt Nam mờ Nghị viện Câu Âu gam bơtàu tơnguh niam bơnĕ ngan. Bàr gah neh mờ rơ̆p pơn jăt tai pơgồp bal nền nòn, pơgồp bal tàm broă lơh pràn lơh broă bal đah lơgar Việt Nam mờ Mpồl tam klăc câu Âu mờ kwang màng là cri bơyai bal broă lơh mờng chài tàm broă lơh nghị viện, lơh gơs gùng dà adăt boh lam nàng lơh pràn broă lơh geh cồng nha Jơnau hơ bal Kă bro khăt gơboh đah lơgar Việt Nam mờ mpồl tam klăc câu Âu, mờ jơnau kờñ uă ngan là cèng geh bơta kwơ mùl màl ai làng bol mờ mpồl lơh sa kă bro bàr gah in.

Củ tịc Quốk hội ồng Trần Thanh Mẫn jờng rơ broă Ủy ƀan Kă bro Dunia ai geh jơnau sồr bè broă lơh gùng dà broă lơh bal đah Quốk hội lơgar Việt Nam mờ Nghị viện câu Âu. Bàr gah neh geh sùm ală dơ̆ cri bơyai bal mờ tàm pơgơl bal sùm đah ală Nghị sĩ câu Âu mờ kwang bàng Quốk hội lơgar Việt Nam dê nàng lơh pràn broă lơh jăt geh cồng nha Jơnau hơ bal Kă bro khăt gơboh đah lơgar Việt Nam mờ mpồl tam klăc câu Âu, pơgồp bal tàm broă bơtàu tơnguh bơta git gơ̆p đah lơgar Việt Nam mờ mpồl tam klăc câu Âu.