Ƀòn dờng Buôn Ma Thuột tŭ do geh rlau 60 anih lơh sră ƀăo, cơldŭ lơh broă ala măt lơh broă, bal mờ rlau 300 nă cau lơh ƀăo, cau lơh broă bal gam lơh broă. Đơs tàm dơ̆ tìp măt, ồng Vũ Văn Hưng, Củ tịc Ủy ƀan Ñân zân ƀòn dờng Buôn Ma Thuột cih dờp, ală anih lơh sră ƀăo neh jăt di bơta geh ngan tàm rài kis, lơh hô hơng, pơn jờng, yal wơl jrô ơnàng làm uă, yal tơnggĭt loh làng ală cồng nha lơh geh tàm ală kơnòl broă bơtàu tơngguh lơh sa- mpồl bơtiàn, sền gàr dà lơgar mờ bơta lơngăp lơngai.

Is ồng Anih lơh broă sùm tàm tiah Tây Nguyên, Anih Jơnau đơs Việt Nam neh tă pơgồp uă ngan gơ wèt mờ broă lơh bơtàu tơngguh lơh sa- mpồl bơtiàn, sền gàr niam dà lơgar bơh Buôn Ma Thuột dê đơs is, mờ càr Dăk Lăk dê đơs bal. Mơkung mblàng yal, yal tơnggĭt rùp să bơta pràn, bơta ƀươn, niam chài, rài kis niam chài is ƀòn dờng Buôn Ma Thuột dê tus uă ngan làng bol, năc lòt nhơl bơh tiah rềp tiah ngài mờ gơ̆p bơyô tàm lơgar mờ ală lơgar in.