Mờ tơngume “Mpong ntas ù tiah kơh bơnơm dờng ơning ơnàng”, broă mut lơh geh sơn đờm mờ bơhiàn lòt tàm gùng bơh cau chài dê, ai gŏ wơl rùp hin mpồl bơtiàn ală kòn cau bal mờ gơp bơtòm tơrgùm rê hờ “ƀòn bal”, do là tiah bơrlŭ bal niam chài, tàm tơrbŏ bal bơta pin dờn, bal mờ gơp wèt tus jơnau kờñ bơt bơtàu càr Gia Lai pas sơm, niam bơnĕ, tam klac bal mờ bơtàu tơnguh kơ̆ kơljap jŏ jòng sùm. 

Pơn jat hơ̆ là broă lơh đơs crih tamya mờ ală jơnau dròng cing jañ mồng ai gŏ niam ngan rài kis niam chài ờs mờng, bơta kơp kờñ brồ guh bơh làng bol ală jơi bơtiàn dê. Tàm hơ̆, ală mpồl cau chài tus bơh 17 kơnhoàl, ƀòn drà dờng, ƀòn dờng tàm càr neh lơh wơl uă bơhiàn lơh yàng, bơhiàn bơh yau bè dơ̆ rò dà rê tàm ƀòn, sa rơpu, lơh yàng ưn ngài, lơh yàng Sơmă Kơcham, niam chài đơs tuồng, teh đờng goòng kòn cau, trah mòn rùp, tàñ phan mờ gle đơr, tàñ ồi kòn cau.