Do là bơhiàn broă lơh sa suơn sre bơh jŏ rài bơh ƀòn lơgar tờm Hòa Bình dê geh làng bol kòn cau Mường sền gàr, ngui niam tàm ƀòn ơm pa Dăk Lăk. Dơ̆ lơh Yàng tă tờm gơnơng là dùl tàm 3 dơ̆ lơh Yàng kwơ màng tàm nam bơh kòn cau Mường dê, geh bơyai lơh tŭ sơnđờm mut tàm kàl lơh sa suơn sre tàm nam.

Dơ̆ lơh Yàng tă tờm gơnơng, tơl nă làng bol soh ală phan soh kòn cau niam ngan, tơrgùm wơl tàm Hìu duh khoai ƀòn dê. Is ồn, nam do tàm Hìu duh kah Lạc Sơn, sàh Hoà Thắng geh 3 mpồl dròng cing kòn cau Mường bơh 3 thôn tàm sàh dê tơrgùm bal tìp mat lơh kwèng, lơh săp ntas sơlơ nggồr dờng tai.

Ală mpồl kung săp gơ gơs sèng gùng bơh mpồng hìu duh kah dê dròng ală gùng cing hô hơng nàng wă rò năc. Tơn jơh dơ̆ lơh Yàng, bơnah lơh chờ sơnđờm mờ ală dơ̆ nhơl ờs mờng bơh yau bè lòt cah càng èk, yồng jrong tơngi, pờng sur ù, sang đúm, dŭi che, kŭp ada...