Tus tơngai tŭ do neh geh rlau 500 anih ràng tăc dà kơphê tàm ù tiah do dê dan cih mat tus bal drơng dà kơphê ờ sa priă ết ngan rlau jơh tàm 1 ngai 10/03 mờ pơgăp 200 rơbô khòc dà kơphê ờ sa priă. Bal mờ hơ̆, tàm ală ngai geh bơyai lơh dơ̆ lơh chờ Kơphê (bơh ngai 9 tus ngai 13/03), rơ̆p geh gĭt nđờ jơ̆t tiah tàm ù tiah ƀòn dờng Buôn Ma Thuột lam lơh broă lơh hùc dà kơphê ờ sa priă tàm Drà Phan lơh geh bơh broă lơh sa suơn sre, phan bơna OCOP ƀòn dờng Buôn Ma Thuột, gùng Tôn Đức Thắng, sơnah ƀòn Tân Lợi; Gùng sră kơphê- Buôn Ma Thuột sồ 2, gùng Phan Chu Trinh, sơnah ƀòn Thành Công, gùng Phan Đình Giót mờ Blàng dờng 10/3… 

Broă bơyai lơh broă lơh hùc dà kơphê ờ sa priă ờ mìng dong năc lòt nhơl in hùc ală khòc kơphê bơkah ngan lơm mờ gam pơgồp bơnah tơnguh uă bơta kwơ mat kă bro kơphê Buôn Ma Thuột tàm tiah lơh broă ală lơgar dê.