Lơ 8/6, Đảng bộ Ủy ban Dân nguyện n’hanh groi nđôi bah Quốc hội ƀư Đại hội rơh tal 1, năm kan 2025-2030. Groi Kruanh Quốc hội, Thượng tướng Trần Quang Phương râng n’hanh ntĭm rđău Đại hội. Đah trong way ƀư “Tâm rnglăp-Ƀon lan ƀư tơm-Kỷ cương-Lĕ đah nău kan- săk rnglăy”, Đại hội mĭn lah n’hao dơi ntĭm rđău, ntrŭt ntrôl rgâl mrô, blău nău kan ndâk njêng pháp luật, groi nđôi n’hanh dân nguyện.

Ntoh ngơi ta Đại hội, Groi Kruanh Quốc hội uănh lah prêh Nău mbơh chính trị, an lah Đảng bộ lĕ năl di ăp săk rnglăy, nău mô hŏ dơi ƀư n’hanh n’gluh an trong mkra tâm di. Groi Kruanh Quốc hội đă rgum mât uănh ăp nghị quyết, ntĭm đă, n’glôn jêh bah Trung ương, N’gâng kan Chính trị, ngăn lah ăp nkô̆ nău mpeh dăp tay n’gâng kan, rgâl nkra trong ƀư, ndâk njêng pháp luật, rgâl mhe ntrong hao jêng. Lah rjăp đah nău wăng sa ƀư êng, khoa học công nghệ n’hanh rgâl mrô lah nău khlay, rgop ndơ̆ neh dak lăp rach năm hun hao mhe, jru hvi n’hanh nâp nâl.