Dak Lak ndăn nchrăp pơk dŏng n’gâng kan 2 gưl
Thứ sáu, 14:41, 27/06/2025 VOV Tây Nguyên/Nuĭh rblang: Y Sưng Phê Ja VOV Tây Nguyên/Nuĭh rblang: Y Sưng Phê Ja
VOV.M’nông - Knŭng hôm đêt nar tay, n’gâng kan ƀon lan 2 gưl ta n’gor Dak Lak na nê̆ an lăp dŏng. Gưl ủy, n’gâng kan ƀon lan ăp gưl dôl tâm rlong đah mông gay jêh ăp trong kan nchră, bah rmôt n’gâng kan, tâm pleh nuĭh kan tât jêh ngih wâl, tŏng ăp mô geh ntŭk nsoih tâm mât uănh ƀĭt joet.

Ta Ban Mât uănh nău nchrăp ƀư ntuh kơl nkuăl Cư M’gar, mông nar pah kan ăp nar aơ dŭt ndăn. Wa Bùi Châu Lĩnh, Giám đốc Ban, an gĭt, ăp cán bộ an pah kan bah dih mông, n’ăp nar prao, nar pơh gay ngăch jêh jao an samƀŭt rhăch nău, samƀŭt samtra:

Jêh ăp năm ƀư tĭng ndơ nchrăp ƀư ri rnoh samƀŭt rhăch nău dŭt âk, ntrŭt nsôr oh nô nsrôih dŭt n’hâm gay jêh nău kan nsum.

Ta ntŭk kan du mpông UBND nkuăl Cư M’gar-ntŭk wơt dơn n’hanh mkra ăp samƀŭt hành chính, rnoh samƀŭt rhăch nău hao âk rnôk nuĭh ƀon lan ndăn jêh ăp samƀŭt lor rnôk n’gâng kan gưl nkuăl chrai. Ndrel đah jêh dâl ăp samƀŭt tât nar, ntŭk kan du mpông bah nkuăl hôm ntĭm na nê̆ mpeh trong ƀư tĭng ăp samƀŭt tâm lvang tât, rnôk ăp xă mhe an hăn dŏng. UBND nkuăl Cư M’gar nchrăp lor đŏng tâm pă tay ntŭk kan n’hanh tâm pă gưl nău kan na nê̆ an ăp jrô ban mô an khuch tât nău rhŏ an nuĭh ƀon lan. Wa Nguyễn Công Văn, Groi Kruanh UBND nkuăl lah rjăp:

Đah du đêt nău kan geh nkô̆ nău hành chính ri mpôl hên knŭng ntĭm rđău ăp jrô kan, ăp ngih pah kan way kan năl ăp nău kan jêr jŏt an dôh rklaih n’hanh ăp dăn đă, mbơh dăn. Ăp nău dơi mkra dâl ri mkra, ăp nău mô hŏ dơi mkra ri nĕ lah nkô̆ nău njuăl tay an ntŭk kan hành mhe gay tĭng ƀư tay nău kan nĕ. Đah ăp nău, samƀŭt rhăch nău geh tât neh ntu, bri dak ntŭk ntô ma mô geh samƀŭt ntĭm mhe n’hanh aƀaơ mô dơi ƀư ri mbra ơh đah samƀŭt an nuĭh ƀon lan, ăp rmôt kan gay bu gĭt gay tâm pă ăp jêr jŏt bah nkuăl tâm lvang aƀaơ hin.

Hôm ta Nkual têh Buôn Hồ, nău ndâk ƀư tay trong n’gâng kan ƀon lan joi đă ƀon lan an mkra tâm ban âk bôk nău têh tâm nar đêt ngăn. Wa Đăng Gia Duẩn, Kruanh UBND nkual têh Buôn Hồ-an gĭt, kruanh xă nkre rwê nău kan ta xă mhe ntŭk nơm mbra pah kan, nkre nchrăp pơk dŏng ăp xă phường ta ntŭk aƀaơ hin, nkre dơn ƀư ăp nău kan n’glêh dŭt ta gưl nkuăl.

 Lor rnôk lôch N’gâng kan ƀon lan gưl nkuăl ri dŭt n’hâm lah nău prăk kaih, nău tâm pleh công chức. Tal 2 mpôl hên dôl nta nơih ngăn gay an ăp xă phường mhe bah nkual têh Buôn Hồ lor mông nglăp nsum khân pơng mbra geh âk nău dơh nơih ngăn mpeh ngih wâl, mpeh kon nuĭh n’hanh lơn lah mpeh nkô̆ nău gay dơi rlong dŏng n’hanh na nê̆ dŏng ƀư bah 1/7.

Tĭng trong nchrăp, lơ 25-26/6, ăp ntŭk kan hành chính mhe ta Dak Lak lĕ ndrel pơk dŏng rlong lor. Lơ 30/6, n’gor mbra ƀư mbơh ndâk njêng n’gor Dak Lak mhe đah 102 ntŭk kan hành chính gưl xă, phường. Tĭng wa Nguyễn Đình Trung, UVTW Đảng, Bí thư N’gor ủy Dak Lak, rgâl mhe nău mĭn n’hanh n’hao lĕ nău kan lah nău đă jăch ndăn n’gluh an đah cán bộ công chức tâm mhe.

He tă bah tĭng ntŭk pah kan na nê̆ an rgâl dâl gay tâm di đah nău đă n’gluh an mpeh ngăch nău kan. Cán bộ công chức xă mhe hăn sŏng đah n’gor, hăn sŏng đah Trung ương yor nê nău wât lĕ đah nău kan pơng êng. Đă nău kan chính trị n’gluh an đah cán bộ công chức, lơn lah cán bộ kruanh n’gâng tơm gưl xă phường mhe an dăch ƀon lan, tĭng ƀon lan n’hanh an rhŏ uĕh ngăn nău ŭch bah nuĭh ƀon lan.

 

 

VOV Tây Nguyên/Nuĭh rblang: Y Sưng Phê Ja

Viết bình luận

TIN CÙNG CHUYÊN MỤC