124 rmôt ƀư kan druh ndăm kơl an, đah rlau 1.200 đoàn viên druh ndăm n’gor Lâm Đồng, dôl ƀư ueh nau tam bah nau kan tâm kơl an n’gâng kan tâm dâng ƀư nau kan hành chính tâm 124 xã, phường, đặc khu tâm lam n’gor. Tâm ăp ntŭk geh tâm kơl an hành chính tâm gưl xã, ăp rmôt druh ndăm kơl an ntĭm mbơh ƀon lan rnglăp dŏng định danh điện tử, đăng ký tài khoản công dân điện tử...Nkre mbơh, nkoch ndrel kơl an ăp nau mbơh khlay tât nau kan hành chính, nau kan trực tuyến.

Ntơm ƀư nau kan ntơm lơ 1/7 tât rnôk aơ, ăp đoàn viên druh ndăm bah n’gor Lâm Đồng hŏ kơl an âk rbăn tŏ nŭih ƀon lan gĭt ăp nau kan gay ma geh dŏng ma nau kan mhe. Aơ lah nau kan geh nau khlay ngăn, rgop nau ntrŭt dăng nau kan bah ăp ntŭk kơl an hành chính công geh dŏng nơih n’huch mông nar ndơn ndrel rklaih săm ƀŭt, ngăn lah ăp nkuăl jru, ngai, nkuăl rnoi mpôl đê̆ jhôm ê geh nau dơi nâp tâm nau dŏng kan mrô./.