Nar 25/8/2025, ta Nhih pah kan Trung ương Đảng, Tổng Bí thư Tô Lâm ndrel nsum mpôl Bộ Chính trị pah kan đah Ban Thường vụ Quân ủy Trung ương, an nău rgop tâm trong nchrăp siƀŭt dăn đă n’hanh nchrăp tơm nuĭh kan hao rblang dăn Đại hội Đảng bộ Tahen tâl XII, năm kan 2025-2030.

 Lôch djăt nău mbơh, Bộ Chính trị nchih nkah n’hanh rnê âk nău nchrăp uĕh bah Quân ủy Trung ương, ăp nhih pah kan dơi kan n’hanh gưl ủy, mpôl kan đảng ăp gưl tâm Đảng bộ tahen. Đại hội ăp gưl tâm lam mpôl tahen hŏ ƀư ntĭt leo lor, ntoh lư, rhuăt luh âk nău tă ơm gĭt kan rđău đă, geh nău dơi uĕh; cán bộ ƀư tơm n’hanh đại biểu geh nău dơi lăp kan đah rnoh nsing nơm dŭt âk. Quân ủy Trung ương hŏ lor nchrăp ăp tŏng mpeh siƀŭt dăn đă, nuĭh kan, đăp mpăn di nuih n’hâm ntrŭnh đă bah Bộ Chính trị n’hanh ntĭm nti bah Trung ương. Bộ Chính trị lah rjăp nău đă grêt dăch tay ăp trong rƀŏng têh, đăp mpăn geh nău dơi Đại hội Đảng bộ tahen tâl XII.