Tâm nau khuh răm bah lam dak si nkah 80 năm nar Cách mạng Khay Pham ndrel Quốc khánh 2/9, ôi 25/8, Bộ Tư pháp ƀư nau nkah 80 năm nar vay ơm nau kan Tư pháp Việt Nam (28/8) ndrel Đại hội tâm rlong rŏng dak nau kan Tư pháp tâm 80 năm rlau aơ, ta nar nkah Thủ tướng Chính phủ Phạm Minh Chính ntoh măt rđau kan Đảng, Ngih dak pă Huân chương lao động Hạng Nhất ân Bộ Tư pháp yor geh nau dơi ueh tâm nau kan tư pháp, rgop nau ndâk ndrel mât neh dak Việt Nam XHCN, yor ƀon lan sâm geh, dak dăng, ƀon lan ƀư tơm, tâm ban, ueh mhe.

Rơh tât, Thủ tướng Chính phủ Phạm Minh Chính đă Tư pháp rgum doh rklaih nau jêr, nkol mpeh nau kan, pháp luật, njêng nau dơi rgum ndrel dŏng ân tam ăp nau dơi, nau dăng, njêng n’hâm dăng ân neh dak nâp nâl lăp tâm rach năm mhe. Thủ tướng rnơm, đah nau vay 80 năm nau kan Tư pháp, nau kan tư pháp rơh tât lŏ geh nhoat hun hao mhe, rgop nau dơi nau kan cách mạng bah Đảng, bah rnoi mpôl./.