Kêng măng 25/8, ta Đà Lạt, Rmôt kan ntoh măt Quốc hội n’gor Lâm Đồng ƀư mâp măt ăp rơh ntoh măt bah năp ndrel ƀư lôch nau kan rmôt kan ntoh măt Quốc hội gưl XV, năm kan 2021-2026. Tâm nar mâp, ăp rơh ntoh măt Quốc hội Lâm Đồng, Dak Nông ndrel Bình thuận nkoch mbơh nau nkah, ntoh nau rnơm tâm rnôk tâm rnglăp 3 n’gor, pơk luh nau hun hao mhe; ŭch ăp ntoh măt lŏ ƀư ueh nau blau, nau kan, rgop ngăn ân Quốc hội.

Ntoh nau tâm nar kan, wa Y Thanh Hà Niê Kđăm, Bí thư n’gor uỷ, Kruanh rmôt kan ntoh măt Quốc hội n’gor Lâm Đồng lah rjăp, tâm 80 năm Quốc hội việt Nam, ăp kơn ntoh măt Lâm Đồng mro tâm dăch ma ƀon lan, nkoch kloh nau mĭn, nau ŭch bah cử tri, rgop âk nau ueh tâm nau ndâk njêng pháp luật, uănh ndrel ntrŭnh âk nau kan khlay. Rnôk aơ, rmôt kan Quốc hội n’gor Lâm Đồng geh 19 ntoh măt, geh 8 ntoh măt Trung ương ndrel 11 ntoh măt bah n’gor./.