Nkah ndray 80 năm Cách mạng Khay pham, Quốc khánh 2/9 n’hanh 80 năm nar way ơm Công an ƀon lan, măng 25/8, ta Nhih pah kan Chính phủ, Thủ tướng Phạm Minh Chính mâp măt, nkah gĭt ăp cán bộ Ban Liên lạc Công an kơl an ntŭk tâm lơh miền Nam.

Thủ tướng lah rjăp Đảng, Ngih dak, ƀon lan nkah gĭt mbro nău n’groh an têh kuâng bah hang rbăn cán bộ công an hăn kơl, tâm nê bơi 1.000 nuĭh hŏ khĭt roh, âk nuĭh geh nkông krŭng, lơh dong, ntưp dak si khêh dioxin, rmanh quet n’ho ro, ntlơi tay du gâl nting mham ntŭk tâm lơh. Nê lah nău n’hao êng săk, drăp ndơ nuih n’hâm khlay mô dơi ntĭt bah rnoi nuĭh n’hanh mpôl Công an ƀon lan dăng janh. Thủ tướng dăn đă ăp n’gâng kan, ăp n’gor, lơn lah Bộ Công an ntik n’hao tay nău way ơm “nkah gĭt sĭt n’glĭng”, mât chăm rnăk wâl nuĭh dơi kơl, nuĭh geh n’hâm suan, lơn lah cán bộ công an tă hăn kơl an miền Nam.