Lơ 25/8, Ta ntŭk kan Trung ương Đảng, Kruanh dak Lương Cường ƀư tơm nar pah kan ma Rnâng kan N’gor uỷ Điện Biên ndrel Gia Lai gay rgop tâm nau nchrăp nau ntrŭnh, bôk nau kan săch nŭih kan gay mbơh Đại hội Đảng bộ n’gor năm kan 2025-2030. Tâm nar pah kan, Bí thư n’gor uỷ bar n’gor hŏ mbơh nau chính trị, mbơh nau mêt uănh, bôk nau kan săch rnoh nŭih ndrel nau ntrŭnh. Ăp ntoh măt rnê prêh nau tă dơi geh, nkre đă ƀư kloh lơn nau kan rklaih nau ê dơi, nkol gay hun hao, năl nau kan khlay, rƀŏng trong hun hao tât năm 2045.

Lôch nê, Kruanh dak Lương Cường kơp dơn nau nsôih bah 2 n’gor, geh nau tâm di ma nau ntrŭnh, đă lŏ djăt nau đă bah Bộ Chính trị, ngăn lah nau rđau bah Tổng Bí thư Tô Lâm, gay ƀư ân jêh. Kruanh dak kŏ đă ndâk nau kan n’hêl, kloh nŭih, kloh kan, kloh nau ngăch, geh ƀư jêh lôch Đại hội, đăp mpăn tâm di nau rƀŏng kan hun hao tâm rơh mhe./.