Ta Gia Lai đŏng, nar 9/7, wa Phạm Anh Tuấn, Kruanh UBND n’gor hŏ hăn ôp uănh n’hanh pah kan đah kruanh xã n’har bri Ia Dom, ngai đah nhih pah kan mhe bah n’gor bơi 240km. Lôch rlău 1 pơh n’glăp dŏng n’gâng kan 2 gưl, xã Ia Dom hŏ nkra 120 nkôp hồ sơ. Yơn lah xã dôl mâp jêr jŏt tă bah nhih  pah kan  mô hŏ đăp mpăn, ndơ năp dŏng n’hanh nău gĭt blău công nghệ thông tin bah cán bộ hôm đêt... Wa Phạm Anh Tuấn – Kruanh UBND n’gor Gia Lai, an gĭt, let năp tay, n’gâng kan gưl xã mbra dơi tâm pă gưl kan âk, dơi n’glêh an âk nkô̆ gay hun hao wăng sa- rêh jêng kon nuĭh.

N’gâng kan xã ân rƀŏng trong, ntĭm  nti nuĭh ƀon lan hun hao tuch tăm geh nău dơi âk, tŏng đah nău ŭch geh bah nuĭh rvăt; kuăl jă doanh nghiệp ntuh kơl nkre njêng, ntop kơl mât chăm. N’gor mbra jao rnoh tât hun hao na nê̆ an xã, jao KPI an lĕ  ma Bí thư n’hanh Kruanh UBND xã, lah mô wat jêh mbra dơn nău tih.