Tâm trôm rơh khâl na nê̆ Senegal, Kruanh Quốc hội Trần Thanh Mẫn lĕ rgum nchră Tổng thống Senegal Bassirou Diomaye Faye ta ntŭk Tổng thống. Kruanh Quốc hội mĭn lah Việt Nam uănh khlay hun hao tâm boh kan ndrel âk ntil đah Senegal, lơn lah tâm ăp ntil nău wăng sa, tăch rgâl, ntuh kơl, lŏ mir, viễn thông n’hanh khoa học-công nghệ.

Kruanh Quốc hội an gĭt âk tập đoàn têh bah Việt Nam dôl uănh tât mĭn joi dơi ntuh kơl ta Senegal. Gay ntop kơl săk rnglăy nău ƀư kan ndrel, Kruanh Quốc hội dăn đă 2 ding ơm jêh tâm trôm mât uănh, bah năp măt ntrôl ngăch tâm nchră ăp tâm ton n’gâng tơm kơt Tâm ton mât rgum ntuh kơl n’hanh Tâm ton dêr đă soăy 2 tơ̆, nta an trong pháp lý đăp mpăn an doanh nghiệp 2 dak.